س ءى م تۇركيادا قايتىس بولعان قازاقستاندىقتار تۋرالى: قاۋىپسىزدىك بەلدىكتەرىن تاقپاعان

استانا. قازاقپارات - سىرتقى ىستەر مينيسترلىگىنىڭ رەسمي وكىلى ايبەك سمادياروۆ تۇركيادا كولىك اپاتىنا ۇشىراعان قازاقستاندىق وتباسى تۋرالى مالىمەت بەردى، دەپ حابارلايدى قازاقپارات ءتىلشىسى.

«وكىنىشكە قاراي، كەشە سۋىق حابار الدىق. جول- كولىك اپاتى بولىپ، ءبىر جانۇيا (قازاقستاندىق - رەد. ) زارداپ شەكتى. ونىڭ سالدارىنان 1989 -جىلى تۋعان ايەل مەن ەكى جاسار قىزى قايتىس بولدى. 86 -جىلى تۋعا ەر ازامات، سول ايەلدىڭ كۇيەۋى اۋىر جاعدايدا، جانساقتاۋ بولىمىندە جاتىر قازىر. ال 2014 -جىلى تۋعان ەر بالا اۋرۋحانادا. ونىڭ دەنساۋلىعى مەن ومىرىنە ەشقانداي قاۋىپ ءتونىپ جۇرگەن جوق.

ءبىزدىڭ ديپلوماتتار ول وتباسىنىڭ تۋىستارىمەن بايلانىستا. بۇگىن- ەرتەڭ تۋىستارى تۇركياعا جەتۋ كەرەك. بارلىق قاجەتتى كونسۋلدىق، قۇقىقتىق كومەك كورسەتەمىز. بۇل وتباسىعا تۇركياعا دەمالۋعا كەلگەن بولاتىن. 31-تامىز كۇنى كەلگەن، بۇگىن ەلگە قايتۋ كەرەك ەدى. كەشە ءبىر ەكسكۋرسياعا شىعىپ، سافاري- كولىككە ءمىنىپ، باسقا كولىكپەن سوقتىعىسقا كەزدە ءبارى ماشينەدەن ۇشىپ كەتكەن»، - دەدى ول.

مينيسترلىكتىڭ رەسمي وكىلى كولىكتە 15 ادام بولعان دەگەن دەرەك بار ەكەنىن ايتادى.

«سونىڭ تورتەۋى ءبىزدىڭ ازاماتتار. ەكەۋى كوز جۇمدى. ەكەۋى قازىر اۋرۋحانادا. بۇل وتباسىندا ساقتاندىرۋ پوليۋستەرى بولعان. تۇركياعا تۋىستارى جەتكەن سوڭ، سول جەردە ناقتى شەشىم قابىلدانادى. جاقىن ارادا قازاقستانعا تەزدەتىپ جەتكىزۋگە كومەك كورسەتىلەدى.» ، - دەدى ول.

سونداي- اق، س ءى م رەسمي وكىلى قازاقستاندىقتاردى شەتەلدە جۇرگەن كەزدە قاۋىپسىزدىككە باسا كوڭىل بولۋگە شاقىردى.

«ايتا كەتەتىن جايت، ءبىزدىڭ ازاماتتار شەتەلگە دەمالۋعا بارعان كەزدە نەمەسە باسقا ماقساتتارمەن جۇرگەن كەزدە قاۋىپسىزدىك شارالارىن قاتاڭ ساقتاعان ءجون دەپ ويلايمىز. ءبىزدىڭ بىلۋىمىزشە، راس پا وتىرىك پە، تەرگەۋ انىقتاي جاتار، قاۋىپسىزدىك بەلدەمشەسىن تاقپاعان. سودان ماشينەدەن ءبارى ۇشىپ شىققان» ، - دەدى ايبەك سمادياروۆ.