قانات شارلاپايەۆ ق ر ونەركاسىپ جانە قۇرىلىس ءمينيسترى لاۋازىمىنا تاعايىندالدى

استانا. قازاقپارات - مەملەكەت باسشىسىنىڭ جارلىعىمەن قانات بيسيمباي ۇلى شارلاپايەۆ قازاقستان رەسپۋبليكاسىنىڭ ونەركاسىپ جانە قۇرىلىس ءمينيسترى لاۋازىمىنا تاعايىندالدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

قانات شارلاپايەۆ 1981-جىلى ساراتوۆ وبلىسىندا دۇنيەگە كەلگەن، قازاقستان رەسپۋبليكاسىنىڭ ازاماتى.

ساراتوۆ الەۋمەتتىك-ەكونوميكالىق ۋنيۆەرسيتەتىن (ر ف)، Cranfield School of Management (ۇلى بريتانيا) ءتامامداعان. ەڭبەك جولىن 2003-جىلى بانك سەكتورىندا باستادى.

2006-2008-جىلدارى وڭىرلىك كەڭسەنىڭ قارجى دەپارتامەنتىندە، جوبالاردى باسقارۋ دەپارتامەنتىندە، وپەراتسيالىق-تەحنولوگيالىق دەپارتامەنتىندە، «سيتي» ينۆەستبانكىنىڭ ساتۋ باسقارماسىندا (ۇلى بريتانيا، چەحيا) جۇمىس ىستەدى.

2008-2014-جىلدارى - «سيتي» ينۆەستبانك اكسيالار نارىعىندا جۇمىس جونىندەگى وڭىرلىك ديۆيزيونىنىڭ اعا تالداۋشىسى، ۆيتسە-پرەزيدەنتىنىڭ كومەكشىسى، ۆيتسە-پرەزيدەنتى (لوندون، ۇلى بريتانيا).

2014-2015-جىلدارى - «سيتي» ينۆەستبانكىنىڭ ەۋروپا، تاياۋ شىعىس جانە افريكا بويىنشا ستراتەگيالىق جوسپارلاۋ جانە تالداۋ وڭىرلىك توبىنىڭ ۆيتسە-پرەزيدەنتى (لوندون، ۇلى بريتانيا).

2015-2017-جىلدارى - سيتيبانك قازاقستاننىڭ باس قارجى ديرەكتورى، باسقارما ءتوراعاسىنىڭ ورىنباسارى، اعا ۆيتسە-پرەزيدەنتى.

2017-2020-جىلدارى - رەسەي سيتيبانكىنىڭ رەسەي، ۋكراينا جانە قازاقستان بويىنشا باس قارجى ديرەكتورى، اعا ۆيتسە-پرەزيدەنتى.

2020-2022-جىلدارى - «سيتي» ينۆەستيتسيالىق بانكىنىڭ (ب ا ءا) افريكا، تاياۋ شىعىس پەن شىعىس ەۋروپانىڭ دامۋشى نارىقتارىنداعى ستراتەگيا، جوسپارلاۋ جانە تالداۋ جونىندەگى وڭىرلىك ديرەكتورى.

ۇيلەنگەن، 3 بالانىڭ اكەسى.

2022-جىلعى 2-اقپاندا «بايتەرەك» ۇلتتىق باسقارۋشى حولدينگى» ا ق- نىڭ باسقارما ءتوراعاسى قىزمەتىنە تاعايىندالدى.