قازاقستاندىقتاردىڭ ورتاشا جاسى بەلگىلى بولدى

استانا. قازاقپارات - 2023 -جىلدىڭ باسىنداعى جاعداي بويىنشا، قازاقستاندىقتاردىڭ ورتاشا جاسى 32,1 جاستى قۇرادى، دەپ حابارلايدى قازاقپارات.

ۇلتتىق ستاتيستيكا بيۋروسىنان ءمالىم ەتكەندەي، 2018 -جىلدان بەرى حالىقتىڭ ورتاشا جاسى بولماشى عانا ارتقان.

«ورتا جاس ءوسىمى ەرلەر مەن ايەلدەر اراسىندا دا، اۋىل مەن قالا تۇرعىندارى اراسىندا دا بايقالىپ وتىر. جىل باسىنداعى ەرلەردىڭ ورتاشا جاسى 30,5 جاس بولسا، ايەلدەردە - 33,7 جاس. قالا تۇرعىندارىنىڭ ورتاشا جاسى اۋىل تۇرعىندارىنا قاراعاندا جوعارى، سايكەسىنشە 32,6 جانە 31,5 جاس. وڭىرلەر اراسىندا ەڭ جوعارى ورتاشا جاس سولتۇستىك قازاقستان وبلىسىندا - 38,9 جاس، ەڭ تومەنگى ورتاشا جاس ماڭعىستاۋ جانە تۇركىستان وبلىستارىندا - 27,6 جاستان»، - دەلىنگەن حابارلامادا.