قانداستاردى قابىلداۋعا ارنالعان وڭىرلىك كۆوتا سانى ارتادى

استانا. قازاقپارات - قانداستار مەن قونىس اۋدارۋشىلاردى قابىلداۋ كۆوتاسىنىڭ كولەمى وزگەرۋى ىقتيمال، دەپ حابارلايدى قازاقپارات ءتىلشىسى.

اشىق ن ق ا پورتالىندا جاريالانعان بۇيرىقتا جازىلعانداي، قانداستار مەن قونىس اۋدارۋشىلارعا ارنالعان كۆوتا بىلاي وزگەرەدى:

- قانداستاردى قابىلداۋدىڭ 2023 -جىلعا ارنالعان وڭىرلىك كۆوتا سانى 2287 ادام (بۇرىن 1925 ادام)؛

- قونىس اۋدارۋشىلاردى قابىلداۋدىڭ 2023 -جىلعا ارنالعان وڭىرلىك كۆوتا سانى 6592 ادام (بۇرىن 6727 ادام).

«اتالعان جوبانى قابىلداۋدىڭ ماقساتى - جەرگىلىكتى اتقارۋشى ورگاندارىنىڭ قاجەتتىلىگىنە بايلانىستى قانداستار مەن قونىس اۋدارۋشىلاردى قابىلداۋدىڭ 2023 -جىلعا ارنالعان وڭىرلىك كۆوتاسىن قايتا ءبولۋ. بۇيرىق جوباسىن قابىلداۋ تەرىس الەۋمەتتىك- ەكونوميكالىق جانە/نەمەسە قۇقىقتىق سالدارعا اكەپ سوقپايدى»، - دەپ تۇسىندىرمە بەرىلگەن ەڭبەك جانە حالىقتى الەۋمەتتىك قورعاۋ ۆيتسە- ءمينيسترىنىڭ بۇيرىق- جوباسىنا.

قۇجات 15 -قىركۇيەككە دەيىن كوپشىلىك تالقىلاۋدا بولادى.

قوسا كەتسەك، 16 -تامىزداعى جاعدايعا سايكەس، قانداستاردى قابىلداۋ كۆوتاسى % 87 عا، قونىس اۋدارۋشىلاردى قابىلداۋ بويىنشا % 58- عا ورىندالدى.