تەمەكى وندىرۋشىلەردىڭ قۇپياسى

استانا. قازاقپارات - تەمەكىنىڭ ادام دەنساۋلىعىنا زياندىعى قانشا ايتىلسا دا ونى پايدالاناتىن جانداردىڭ قاتارى جىلدان جىلعا ءوسىپ بارادى. نيكوتين ۋىن اسا قاۋىپتى سانامايتىن ادامدار شىلىم قۇرامىندا ودان دا ۋلى، ودان دا قاۋىپتى زاتتىڭ بارىن بىلە بەرمەيدى. بۇل تۋرالى baq.kz سايتى جازادى.

پولونيا-210 دەپ اتالاتىن حيميالىق زاتتىڭ تەمەكى تۇتىنىندە كەزدەسەتىنىن عالىمدار قانشا دالەلدەسە دە، وندىرۋشىلەر مۇنى بۇگىنگى كۇنگە دەيىن جاسىرىن ۇستاپ وتىر. ۋلى زاتتىڭ ادام دەنساۋلىعىنا تيگىزەر زاردابى كوپ بولعاندىقتان تەمەكى شىعارۋمەن اينالىساتىن كومپانيالار مۇنى مۇلدەم جاريالامايدى دەيدى ا ق ش عالىمدارى.

1960 - جىلى بۇل تاقىرىپتا زەرتتەۋ جۇمىستارى جۇرگىزىلگەن ەكەن. الايدا، ا ق ش-تىڭ ءىرى وندىرۋشىلەرى اراعا ءوز «ابىرويلارىن» سالىپ ءجۇرىپ، زەرتتەۋ قورىتىندىلارىن جاريالاتپاي تاستاعان بولاتىن. عالىمداردىڭ ايتۋىنشا، 25 جىل شىلىم شەككەن ادامنىڭ وكپەسىنە جينالعان ۋلى زاتتار ونىڭ تۇبىنە اقىرى جەتىپ تىنادى. سوندىقتان زەرتتەۋدى جۇرگىزگەن ازاماتتار تەمەكى وندىرۋمەن اينالىساتىن الىپتاردىڭ بۇل ارەكەتىن قىلمىسقا بالاپ وتىر.