قونايەۆتا بالالارىنىڭ تۋعان كۇنىندە كوكپار ۇيىمداستىرعان ەر ادام كەشىرىم سۇرادى

استانا. قازاقپارات – 2-قىركۇيەكتە كەشكە «بەرەكە» كافەسىنىڭ ماڭىنداعى الماتى- وسكەمەن رەسپۋبليكالىق ماڭىزى بار تاسجولىنىڭ بويىندا، ءبىر توپ ادام كوكپار ويىنىڭ وتكىزگەنى تۋرالى حابارلاما كەلىپ ءتۇستى.

بۇل تۋرالى الماتى وبلىسىنىڭ پوليتسيا باستىعى باۋىرجان الەنوۆ Instagram-پاراقشاسىندا مالىمدەدى.

1979 -جىلعى ەر ادام بالالارىنىڭ تۋعان كۇنىنە وراي قونايەۆتىڭ شەتىندە «كوكپار» ۇلتتىق سپورتتىق ءىس-شاراسىن ۇيىمداستىرىپ، وعان باسقا اۋدانداردىڭ سپورتشىلارى قاتىسقانى انىقتالدى.

قازىر پوليتسيا قىزمەتكەرلەرى ءىس-شارانىڭ ۇيىمداستىرۋشىسى مەن قاتىسۋشىلارىن قونايەۆ ق پ ب-نا جەتكىزدى.

قازىر بارلىق ادامعا قاتىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 434، 406، 590 باپتارى بويىنشا اكىمشىلىك جاۋاپكەرشىلىككە تارتىلدى.