گەرمانيا تورتكۇندىك جۇمىس اپتاسىن سىناقتان وتكىزۋدە
ولار مۇنداي رەجيمدە 2024 -جىلدىڭ اقپانىنان باستاپ جارتى جىل جۇمىس ىستەيدى. قىزمەتكەرلەردىڭ جالاقىسى وزگەرمەيدى، تاجىريبەگە كولەمى ءارتۇرلى كومپانيالار قاتىسا الادى، دەپ حابارلايدى قازاقپارات Deusche Welle باسىلىمىنا سىلتەمە جاساپ.
بۇل، گەرمانياداعى ەڭ ءىرى ەكسپەريمەنت بولعالى تۇر. مۇندا جۇمىس ۋاقىتىن قىسقارتۋ وتە قيىن. اۋستراليا، يسلانديا مەن ۇلى بريتانيا وسىنداي ۇلگىنى سىناقتان وتكىزىپ جاتقاندا گەرمانيانىڭ ءبىرقاتار كاسىپكەرى مەن ساياساتكەرلەرى مۇنداي ءتاسىل ءتيىمسىز ەكەنىن، ەكونوميكانى قۇلدىراتاتىنىن ايتقان بولاتىن. شىن مانىندە قالاي بولاتىنىن ەندى تەكسەرىپ كورۋگە مۇمكىندىك بار. Intraprenِr كونسالتينگ كومپانياسى مەن ميۋنستەر ۋنيۆەرسيتەتىنىڭ عالىمدارى تەستتەن كەيىن تاجىريبە ناتيجەلەرىنە باعا بەرەدى.
ايتا كەتسەك، ۇلى بريتانيادا وتكىزىلگەن وسىعان ۇقساس تەست ءتورت كۇن جۇمىس ىستەيتىندەردىڭ بەس كۇن ىستەيتىندەرگە قاراعاندا ومىرىنە كوڭىلى تولاتىنىن جانە دەنى ساۋ ەكەنىن كورسەتكەن. ماسەلەن، ولار اۋىرعانىنا بايلانىستى دەمالىستى سيرەك الادى. ەكسپەريمەنتكە قاتىسقان بريتاندىق كومپانيالاردىڭ تابىسى شامامەن 1,4 پروتسەنتكە ارتقان. وسى ۇلگىنى سىناقتان وتكىزگەن 10 كومپانيانىڭ 9-ى ارى قاراي وسى ءتاسىلدى جالعاستىرا بەرۋدى شەشتى.
اۆتور:
بالنۇر قوجاگەلدى
