سولتۇستىك كورەيا يادرولىق سوققى جاساۋ بويىنشا وقۋ- جاتتىعۋ وتكىزىپ جاتىر

سەۋل. قازاقپارات - سولتۇستىك كورەيا الىستان شابۋىل جاسايتىن قاناتتى ەكى زىمىرىنمەن تاكتيكالىق يادرولىق شابۋىلدىڭ يميتاتسياسىن وتكىزدى. بۇل، ەلدىڭ يادرولىق قارۋعا دايىن ەكەندىگىن كورسەتەتىن «جاۋلارعا ەسكەرتۋ».

بۇل تۋرالى جەكسەنبى كۇنى كورەيا ورتالىق تەلەگراف اگەنتتىگى جازدى، دەپ حابارلايدى قازاقپارات.

ءمالىم ەتىلگەندەي، سەنبى كۇنگى وقۋ- جاتتىعۋ ءساتتى ءوتتى: يادرولىق قارۋدىڭ ماكەتى بار ەكى قاناتتى زىمىران كورەي تۇبەگىندەگى باتىس تەڭىزگە قاراي جىبەرىلىپ، كورسەتىلگەن 150 مەتر بيىكتە 1500 شاقىرىم (930 ميل) ۇشىپ ءوتتى.

سونداي- اق پحەنيان ا ق ش پەن وڭتۇستىك كورەياعا قارسى تۇراتىن اسكەري كۇشتەرىن نىعايتا بەرەتىنىن مالىمدەدى.

سونداي- اق سولتۇستىك كورەيا كوشباسشىسى كيم چەن ىن پۋكچجۋندەگى كەمە قوزعالتقىشىن شىعاراتىن ماشينا جاساۋ كەشەنىنە جانە وق- ءدارى وندىرەتىن زاۋىتقا بارىپ، پحەنياننىڭ اسكەري- تەڭىز كۇشتەرىن نىعايتۋدىڭ ماڭىزدى ەكەنىن اتاپ ءوتتى.

اۆتور:

بالنۇر قوجاگەلدى