ستوكگولمدە الەمدەگى ەڭ تەرەڭ مەترو ستانسيالارىنىڭ ءبىرى سالىنۋدا
ستوكگولمدەگى الىپ مەترو قۇرىلىسى ەڭ تومەنگى شەگىنە جەتتى.
اقپارات كوزىنىڭ مالىمەتىنشە، جاقىندا ءبىر توپ قۇرىلىسشى زيەدەرمالم ارالىنداعى سوفيا ستانسياسىندا جەر دەڭگەيىنەن 105 مەتر تەرەڭدىكتە جارىلىس جۇمىستارىن جۇرگىزدى. بۇل الەمدەگى ەڭ تەرەڭ مەترو ستانسيالارىنىڭ ءبىرى بولادى.
قۇرىلىس 2030 -جىلى اياقتالسا، سوفيا ستانتسياسىنىڭ پلاتفورماسى كونە جارتاستىڭ 100 مەتر تەرەڭدىگىندە ءوز ورنىن الادى. قالعان 5 مەتر تەرەڭدىكتە تەحنولوگيالىق كەڭىستىك ورنالاسادى.
2025 -جىلى ولشەمى 20/20 مەترگە جەتەتىن شاحتا اشۋ جوسپارلانۋدا، وندا سەگىز جوعارى جىلدامدىقتى سوفيا ليفتىلەرى ورناتىلادى. ءاربىر ليفت سەكۋندىنا ءتورت مەتر جىلدامدىقپەن 40 جولاۋشىنى پەررونعا دەيىن جەتكىزەدى. ءبىر باعىتتا تومەن ساپار 30 سەكۋندتان از ۋاقىتتى الادى. ءتيىستى ەسكالاتورمەن ءجۇرۋ شامامەن 20 ەسە ۇزاعىراق بولادى.
