سەرىك كۇدەبايەۆتىڭ وسكەمەن تۇرمەسىندەگى سۋرەتىنە بايلانىستى قىزمەتتىك تەرگەۋ جۇرگىزىلەدى
بۇل تۋرالى قىلمىستىق اتقارۋ جۇيەسى كوميتەتىنىڭ باسپا ءسوز قىزمەتى مالىمەت تاراتتى.
«قازىرگى تاڭدا سوتتالعانداردىڭ ۇيالى تەلەفون قولدانۋى جانە بەينەباقىلاۋ كامەراسىنىڭ وبەكتيۆىن جاۋىپ تاستاۋ فاكتىسى بويىنشا قىزمەتتىك تەرگەۋ تاعايىندالدى. قىلمىستىق اتقارۋ جۇيەسى كوميتەتى جەكە قۇرامنىڭ زاڭدىلىقتى بۇزۋىنا قاتىستى تۇبەگەيلى ۇستانىمعا بەرىك. كەلىپ تۇسكەن ءار اقپارات تىڭعىلىقتى تەكسەرىلەدى. زاڭ بۇزىلعان جاعدايدا قولدانىستاعى زاڭناما اياسىندا شارا قولدانىلادى»، - دەلىنگەن كوميتەتتىڭ رەسمي مالىمەتىندە.
ونداعىلاردىڭ سوزىنشە، سەرىك كۇدەبايەۆ پەن جانىنداعىلار جايعاسقان داستارحاننىڭ ۇستىندە تارتىپكە قايشى كەلەتىن ازىق- تۇلىك ءونىمى جوق.
«ءى ى م بۇيرىعىمەن بەكىتىلگەن ىشكى ءتارتىپ ەرەجەلەرى بويىنشا قلىمىستىق اتقارۋ جۇيەسىندە قاماۋدا وتىرعان سوتتالۋشىلار ازىق- تۇلىكتى سىرتتان سالەمدەمە رەتىندە نەمەسە تۋىسقاندارىمەن كەزدەسكەن كەزدە قابىلداۋعا حاقىلى. ولار ول تاماقتى ارنايى بولىنگەن ورىندا بوس ۋاقىتتارىندا تۇتىنا الادى. بۇل تالاپ قىلمىستىق اتقارۋ جۇيەسىندەگى مەكەمەلەردىڭ بارلىق تۇرىنە ورتاق. الدىن الا مالىمەت بويىنشا، شىعىس قازاقستان وبلىستىق قىلمىستىق اتقارۋ جۇيەسى دەپارتامەنتىنىڭ №22 مەكەمەسىندە سوتتالعاندار تۋىسقاندارىنان دايىن تاماق قابىلداپ العان. تەكسەرۋ كەزىندە تىيىم سالىنعان ازىق- تۇلىك ونىمدەرى تابىلعان جوق»، - دەپ جازادى كوميتەتتىڭ باسپا ءسوز قىزمەتى.
ەستەرىڭىزگە سالا كەتەيىك، سەرىك كۇدەبايەۆ 28 -ءساۋىر كۇنى 10 جىلعا سوتتالعان بولاتىن.
وعان لاۋازىمدىق وكىلەتتىگىن اسىرا پايدالانۋ جانە ازاپتاۋ باپتارى بويىنشا ايىپ تاعىلدى.
ول بيىلعى 30- ناۋرىز كۇنگى سوت وتىرىسىنا كەلمەدى. سوندىقتان ونى سوتقا ءماجبۇرلى تۇردە جەتكىزۋ جونىندە قاۋلى شىقتى.
ارتىنشا گەنەرالدىڭ ەلدەن قاشىپ كەتكەنى بەلگىلى بولىپ، تالدىقورعان قالالىق سوتى سەرىك كۇدەبايەۆقا حالىقارالىق ىزدەۋ جاريالادى.
27 -ساۋىردە سەرىك كۇدەبايەۆ تۇركيادا ۇستالىپ، ەلگە جەتكىزىلدى.
الماتى وبلىستىق پوليتسيا دەپارتامەنتىنىڭ بۇرىنعى باسشىسى سەرىك كۇدەبايەۆ قاڭتار وقيعاسى بويىنشا كۇدىكتى دەپ تانىلعان ەدى.
اۆتور:
ەسىمجان ناقتىباي
