تۇركيادا قۇلاعان مەتەوريت الەۋمەتتىك جەلىنى دۇرلىكتىردى

انكارا. قازاقپارات - الەۋمەتتىك جەلىدە جاريالانعان قۇلاعان مەتەوريت سۋرەتتەرى تۇركيادا ۇلكەن رەزونانس تۋعىزدى. ەلدى دۇرلىكتىرگەن وقيعا 2 -قىركۇيەك كۇنى كەشكى ساعات 20:40 شاماسىندا بولعان. قاراڭعى اسپان الدىمەن كوك، سودان كەيىن جاسىل، سوسىن قىزىل تۇسكە بويالدى، دەپ حابارلايدى قازاقپارات.

بۇل قۇبىلىس تۇركيانىڭ كوپتەگەن پروۆينتسيالارىندا كوزگە ءتۇستى. ديارباكىر، مالاتيا، ەرزۋرۋم، ەلازىع، گازيانتەپ، شىعىس جانە وڭتۇستىك- شىعىس انادولى ايماعىنان جەتكەن فوتو- ۆيدەولاردان اتموسفەرادا جانىپ كەتكەن ساۋلەلى نىسان انىق كورىنىپ تۇر.

TRT Haber اگەنتتىگىنىڭ حابارلاۋىنشا، مەتەوريت قۇلاعان ءسات ديارباكىرمەن قاتار شانلىۋرفادا دا تاسپاعا ءتۇسىپ قالعان.

قازىر بۇل نىساننىڭ ناقتى قاي جەرگە قۇلاعانىن انىقتاۋ ءۇشىن جۇمىس باستالدى.