اۆستراليا انتاركتيكادا اۋىرىپ قالعان زەرتتەۋشىنى قۇتقارۋ ءۇشىن مۇزجارعىش كەمە جىبەردى
اۆستراليالىق انتاركتيكا باعدارلاماسى (AAP) حابارلاعانداي، نۋيينا مۇزجارعىش كەمەسى وتكەن اپتادا تاسمانيانىڭ وڭتۇستىگىندەگى حوبارت پورتىنان شىقتى.
قۇتقارۋ ەكسپەديتسياسىنا دايىندىق، سونىڭ ىشىندە مۇزجارعىشتى تىكۇشاقتارمەن جابدىقتاۋ بىرنەشە اپتاعا سوزىلعان.
حوبارتتان كەيسي ستانسياسىنا دەيىن - 3443 شاقىرىم. مۇزجارعىشتىڭ ماكسيمالدى جىلدامدىعى 18 توراپ نەمەسە شامامەن 32 ك م/ساع. ياعني، شامامەن بەس كۇندە مەجەلى جەرگە جەتەدى.
انتاركتيكالىق ەكسپەديتسيانىڭ ناۋقاس مۇشەسى مامانداردىڭ كومەگىنە مۇقتاج ەكەنىن مالىمدەگەن، ءبىراق ونىڭ ناقتى نەدەن اۋىرعانى ناقتىلانبادى.
كەيسي ستانتسياسىنىڭ جانىندا اەرودروم بار، ۇشۋ- قونۋ جولاعى مۇز ۇستىنە سالىنعان، قىستا پايدالانۋ قيىن. اۆستراليالىق باسپا ءسوزدىڭ حابارلاۋىنشا، مۇزجارعىشقا قاراعاندا ونى جۇمىس جاعدايىنا كەلتىرۋ الدەقايدا كوپ ۋاقىتتى قاجەت ەتەدى.
انتاركتيداعا جىبەرىلمەس بۇرىن اۆستراليالىق ەكسپەديتسيالاردىڭ بارلىق مۇشەسى مۇقيات مەديتسينالىق تەكسەرۋدەن وتەدى.
عالامشارداعى ەڭ قولايسىز كونتينەنتتەن ەۆاكۋاتسيالاۋ قيىن، قىمبات، ءتىپتى قاۋىپتى وپەراتسيا بولۋى مۇمكىن.
ايتا كەتەيىك، 2020 -جىلدىڭ جەلتوقسانىندا امەريكا قۇراما شتاتتارى مەن قىتاي اۆسترالياعا انتاركتيكالىق ەكسپەديتسيانىڭ مۇشەسىن ەۆاكۋاتسيالاۋعا كومەكتەسكەن، ال اۆستراليانىڭ ءوزى سول جىلى ماك- مەردو ستانسياسىنان ناۋقاس امەريكاندىق عالىمدى شىعارۋ ءۇشىن Airbus A319 ۇشاعىن جىبەرگەن.
اۆتور:
اسحات رايقۇل
