11:38, 03 - قىركۇيەك 2023 | GMT +6
فرانسيسك موڭعولياعا ساپار شەككەن العاشقى ريم پاپاسى بولدى
استانا. قازاقپارات - ريم پاپاسى فرانسيسك موڭعوليانىڭ استاناسى ۇلان- باتىرعا باردى. ەل باسشىلىعىمەن كەزدەسۋ كەزىندە ول سىبايلاس جەمقورلىقتان اۋلاق بولۋ جانە «جەر پلانەتاسىن قورعاۋدى دەرەۋ قولعا الۋ مىندەتتەمەسى» تۋرالى ايتتى، دەپ حابارلايدى قازاقپارات ەuronews-كە سىلتەمە جاساپ.
ريم پاپاسى فرانسيسك ۇلان- باتىرداعى الىپ سۋحە- باتىر الاڭىندا حالىقپەن كەزدەستى. 86 جاستاعى پونتيفيكتىڭ قۇرمەتىنە سالتاناتتى شارا ءوتىپ، قۇرمەتتى قاراۋىل ساپ تۇزەدى.
موڭعوليا پرەزيدەنتى ۋحنااگين حۋرەلسۋح مارتەبەلى مەيماندى قارسى الۋ ءۇشىن «دەەل» ءداستۇرلى كيىمىمەن شىڭعىس حاننىڭ قولادان جاسالعان الىپ ءمۇسىنىنىڭ الدىنان قىزىل كىلەم توسەلگەن ۇزىن باسپالداقپەن ءتۇستى.
بۇل - ريم- كاتوليك شىركەۋى باسشىسىنىڭ قىتاي مەن رەسەي اراسىندا ورنالاسقان بۋدديزمدى ۇستانۋشىلار باسىم ەلگە جاساعان العاشقى ساپارى.
كەيىنىرەك ۇكىمەت سارايىندا ريم پاپاسى فرانسيسك موڭعوليانىڭ جوعارى لاۋازىمدى تۇلعالارىنا، سونىڭ ىشىندە پرەزيدەنت پەن پرەمەر- مينيستر لۋۆساننامسراي ويۋن- ەردەنەگە ۇندەۋ جولدادى.
اۆتور:
سماعۇلوۆا ەركەجان
