التىنەمەلدە جىلانشى قىران بالاپانىنىڭ ەكى اي ومىرىنەن ۆيدەو جاريالاندى
ۆيدەونى ورمان شارۋاشىلىعى جانە جانۋارلار الەمى كوميتەتى جاريالادى.
التىنەمەل ۇلتتىق ساياباعىندا سيرەك كەزدەسەتىن جىرتقىش قۇستاردىڭ ىشىندە جىلانشى بۇركىتىن ەرەكشە قۇس دەپ اتاۋعا بولادى، ويتكەنى ونىڭ قورەگىنىڭ باسىم بولىگى - جىلاندار.
ۋچاسكە باستىعى ديدار بازاربەكوۆ قۇس ۇياسىنا ورناتىلعان كامەرانىڭ كومەگىمەن جىلانشى قىراننىڭ ۇياعا جۇمىرتقا سالۋىنان باستاپ، بالاپاننىڭ جۇمىرتقانى جارىپ شىعىپ، جەتىلىپ، ۇيادان ۇشقانىنا دەيىنگى نەگىزگى ساتتەرىن ءتۇسىرىپ ۇلگەردى.
بەينەجازبادان كورىنىپ تۇرعانداي، ەكى ايدىڭ ىشىندە اتا- اناسىنىڭ بالاپانعا اكەلگەن ولجاسىنىڭ ءبارى دەرلىك ءارتۇرلى جىلانداردان قۇرالعان.
تەك ءبىر جاعدايدا عانا قۇستار بالاپاندى اگاما كەسىرتكەسىمەن ازىقتاندىردى.
دەگەنمەن، جىلانجەگىش قىراندار باقامەن، ۇساق سۇتقورەكتىلەرمەن (كەمىرگىشتەر) جانە دالا قۇستارىمەن دە قورەكتەنەتىنى بەلگىلى.
جىلانشى قازاقستاننىڭ قىزىل كىتابىنا ەنگەن جانە ۇلتتىق ساياباقتا نەگىزىنەن جايىلما اڭعارىندا مەكەندەيدى.
قۇس ناۋرىزدىڭ اياعىندا، ساۋىردە ۇشىپ كەلەدى جانە اعاشقا دا، تاسقا دا ۇيا سالا بەرەدى.
جۇمىرتقا شىعارۋ ءساۋىر- مامىر ايىنىڭ ورتاسىنا تاپ كەلەدى، ينكۋباتسيا ءبىر ايعا جۋىق سوزىلادى، بالاپان ماۋسىم ايىنىڭ ورتاسىندا شىعادى.
ال شىلدە- تامىزدا ول قاناتى قاتايىپ، تامىز ايىنىڭ سوڭىندا ۇيادان ءبىرجولا ۇشىپ كەتەدى.
2022 -جىلى ساياباقتا بار بولعانى 12 جىلانشى بۇركىت بار ەدى.
اۆتور:
جانات قاپالبايەۆا
Посмотреть эту публикацию в Instagram
