ازيا چەمپيوناتى: قازاقستاندىق ۆولەيبولشىلار جارىستىڭ كەلەسى ساتىسىنا شىقتى

استانا. قازاقپارات - تايلاندتىڭ ناكحونراتچاسيما قالاسىندا ءوتىپ جاتقان ۆولەيبولدان ايەلدەر اراسىنداعى ازيا چەمپيوناتىندا قازاقستان قۇراماسى جارىستىڭ كەلەسى ساتىسىنا شىقتى، دەپ حابارلايدى قازاقپارات ءتىلشىسى.

قازاقستاندىق ۆولەيبولشىلار D توبىندا سىنعا ءتۇستى. الدىمەن فيليپپيندى تاي-برەيكتە 3:2 (25:21، 17:25، 24:26، 27:25، 15:6) ەسەبىمەن جەڭسە، ودان كەيىن گونكونگتى 3:0 (25:16، 25:23، 25:17) ەسەبىمەن ءسۇرىندىردى.

بۇگىن، 1- قىركۇيەكتە قىتايدان 0:3 (12:25، 21:25، 10:25 ) ەسەبىمەن جەڭىلدى.

سوعان قاراماستان ءوز توبىندا ەكىنشى ورىن الىپ، ەندى 5-8- ورىندار ءۇشىن سايىسقا تۇسەدى.

ايتا كەتسەك، قازاقستاندىق ۆولەيبولشىلار ازيا چەمپيوناتىنا 12 مارتە قاتىسىپ وتىر. ازىرگە ەڭ ۇزدىك جەتىستىگى - 2005-جىلى العان كۇمىس مەدال.

قۇرلىقتىق دودا 6- قىركۇيەكتە مارەسىنە جەتەدى.