ماجىلىستە ۇلتتىق قوردان كەپىلدەندىرىلگەن ترانسفەرت تۋرالى قۇجات قارالادى

استانا. قازاقپارات - پارلامەنت ءماجىلىسى ۇلتتىق قوردان 2024-2026-جىلدارعا ارنالعان كەپىلدەندىرىلگەن ترانسفەرت جانە رەسپۋبليكالىق بيۋجەت تۋرالى زاڭ جوبالارىن تالقىلايدى، دەپ حابارلايدى قازاقپارات ءتىلشىسى.

«قازاقستان رەسپۋبليكاسىنىڭ ۇلتتىق قورىنان 2024-2026-جىلدارعا ارنالعان كەپىلدەندىرىلگەن ترانسفەرت تۋرالى» جانە «2024-2026-جىلدارعا ارنالعان رەسپۋبليكالىق بيۋجەت تۋرالى» زاڭ جوبالارى بيۋجەت كودەكسىنە سايكەس ازىرلەنىپ، 2023-جىلى 31- تامىزدا ماجىلىسكە ۇكىمەت قاۋلىلارىمەن ەنگىزىلدى. بىرىنشىدەن، ۇلتتىق قوردان رەسپۋبليكالىق بيۋجەتكە بەرىلەتىن 2 تريلليون تەڭگە كەپىلدەندىرىلگەن ترانسفەرت سوماسى ايقىندالدى»، - دەدى ءماجىلىس دەپۋتاتى ءمادي تاكيەۆ پالاتانىڭ جالپى وتىرىسىندا.

ونىڭ ايتۋىنشا، ەكىنشى زاڭ جوباسى اياسىندا 2024-جىلى رەسپۋبليكالىق بيۋجەت تۇسىمدەرىنىڭ جالپى كولەمى 20,4 تريلليون تەڭگە سوماسىن قۇرايدى. سونىڭ ىشىندە كىرىستەر 16,1 تريلليون تەڭگەگە جەتۋى مۇمكىن.

«شىعىستار 24 تريلليون تەڭگە سوماسىندا جوسپارلانعان. 2024-جىلى رەسپۋبليكالىق بيۋجەتتىڭ تاپشىلىعى 3,5 تريلليون تەڭگەنى قۇراۋى ىقتيمال، جالپى ىشكى ونىمگە شاققاندا %2,6 دەڭگەيىندە ايقىندالدى. ال 2026-جىلعا قاراي بىرتىندەپ %2,3 دەيىن تومەندەيدى. ءماجىلىستىڭ قارجى جانە بيۋجەت كوميتەتى اتالعان زاڭ جوبالارى بويىنشا قورىتىندى ازىرلەۋگە دايىن»، - دەدى دەپۋتات.