كوپشىلىك قانداي مىنەزدى ادامعا بىردەن عاشىق بولادى؟
ادامعا قاتتى «ەنگەن» سايىن ول سىزگە ودان سايىن ادەمى بولىپ كورىنەتىنىن بايقاعان بولارسىز. سونداي-اق، كەرىسىنشە، ەگەر ءوزىن-ءوزى باعالاۋىڭىز دۇرىس بولسا، ءسىزدى ادام رەنجىتسە نەمەسە جانىڭىزدى اۋىرتسا، ول تارتىمسىز بولا تۇسەدى. ول سىزگە ۇناماي كەتەدى جانە ونى كورگىڭىز دە، ەستىگىڭىز دە كەلمەيدى.
اداممەن كەزدەسە باستاعان كەزدە ول باستاپقىدا ءمىنسىز بولىپ كورىنەدى. بۇل قالىپتى، عاشىقتار قۇشتارلىق وبەكتىسىنە تاڭدانادى، بۇل جەردە گورموندار ماڭىزدى ءرول وينايدى. ءبىراق ۋاقىت وتە سەزىم باسىلادى، بۇل كەزدە ادامدار ايىرىلىسادى نەمەسە قارىم-قاتىناستى ساقتاپ قالۋعا تىرىسادى.
گرەكيا عالىمدارى جۇپتار اراسىندا ساۋالناما جۇرگىزەدى. ەرلەر مەن ايەلدەر سەرىگىنىڭ قانداي مىنەزدەرى قارىم-قاتىناستى ساقتاپ قالۋعا، ءبىر-ءبىرىن باعالاۋعا جانە كەز كەلگەن كەلىسپەۋشىلىكتى شەشۋگە موتيۆاتسيا بەرەتىنىن ايتادى. زەرتتەۋ ناتيجەسىندە عالىمدار سۇيىكتى ادامنىڭ 10 نەگىزگى مىنەزىن انىقتادى:
وعان ءارقاشان سەنۋگە بولادى. ادامعا ءوز سەرىگىنىڭ ەشقاشان كوزىنە ءشوپ سالمايتىنىن ءبىلۋ ماڭىزدى.
ول قامقورلىق كورسەتەدى. سەرىگىڭىز ءسىزدىڭ جۇمىستان كوڭىلسىز كەلگەنىڭىزگە نەمقۇرايلى قارامايدى، ول قايعىڭىزعا ورتاقتاسىپ، اۋىرعاندا نەمەسە قيىن جاعدايدا قامقور بولۋعا دايىن.
ومىرگە پوزيتيۆپەن قارايدى. ول ومىرگە جەڭىل قارايدى جانە ونىڭ قاسىندا راقاتتانا كۇلەسىز.
ول رومانتيكاعا بەيىم. مۇنداي سەرىك سىزگە جاعىمدى نارسە جاساۋعا تىرىسادى، قۇشاقتايدى جانە قوشەمەت سوزدەر ايتادى.
ول سەرىگىنىڭ دوستارىمەن جانە تۋىستارىمەن جاقسى قارىم-قاتىناستا بولۋعا تىرىسادى.
ءۇيدىڭ جايلى بولۋىن قاداعالايدى.
سەكسۋالدى تۇرعىدا كوڭىلىنەن شىعادى.
ول وزىنە سەنىمدى. ونىڭ ءوز كوزقاراسى، حوببيى، قىزىعۋشىلىعى بار جانە ومىردەن نە قالايتىنىن بىلەدى.
ءبىر-ءبىرىنىڭ قىزىعۋشىلىقتارىن قولدايدى. مىسالى، ول ءسىزدىڭ سۇيىكتى كىتابىڭىزدى وقىپ كورەدى، ال ءسىز ونىمەن بىرگە سنوۋبورد تەبۋگە باراسىز. ءبىر-ءبىرىن ماجبۇرلەمەيدى. ولار كوبىرەك بىرگە ۋاقىت وتكىزگىسى كەلەدى.
ونىڭ تۇراقتى جۇمىسى بار. كىرىس پەن قارجىلىق تۇراقتىلىق قارىم-قاتىناستىڭ قاتايۋىنا ىقپال ەتەدى.
