ايداربەك قوجانازاروۆ: مينيسترلىكتەردى ءبولۋ - سول مينيسترلەردىڭ جۇمىسىنا بەرىلگەن باعا

استانا. قازاقپارات - مينيسترلىكتەردى ءبولۋ تۋرالى شەشىم - سول ۆەدومستۆو باسشىلارىنىڭ جۇمىسىنا بەرىلگەن باعا دەۋگە بولادى.

ءماجىلىس دەپۋتاتى ايداربەك قوجانازاروۆ پارلامەنت پالاتالارىنىڭ بىرلەسكەن وتىرىسىنان كەيىن وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«مەن ۆەدومستۆوسىن بولشەكتەپ، قىزمەتىنىڭ ءبىر بولىگىن اجىراتىپ جاتقان مينيستر ءوزىن قالاي سەزىنىپ وتىر ەكەن دەپ ويلادىم. بۇل - وعان بەرىلگەن باعا عوي. «كەشىر، بۇل ماسەلە قولىڭنان كەلمەدى، ول قىزمەتتى سەنەن الامىز، قالعان جۇمىستى اتقارا بەر» دەگەن ءسوز سياقتى»، - دەدى دەپۋتات.

سونداي-اق، ول سۋ رەسۋرستارى ماسەلەسىن ءۇش اي بۇرىن كوتەرىپ، جەكە ءبىر مينيسترلىك اشۋ تۋرالى باستاما كوتەرگەنىن ايتادى.

«ورتالىق ازيا ەلدەرىنىڭ اراسىندا سۋعا بايلانىستى كيكىلجىڭ بولادى دەگەن بولجامدار كوپ. بۇل ماسەلەنى قازىردەن باستاپ كوتەرمەسەك، كەلىسپەۋشىلىكتەن قۇتىلمايمىز»، - دەيدى ايداربەك قوجانازاروۆ.