اجەتحاناداعى قىزدار توبەلەسى: ش ق و اپەللياتسيالىق سوتتا ۇكىمدى قايتا قارادى
ەسكە سالساق، وسى جىلدىڭ ناۋرىز ايىندا وسكەمەندەگى «ا د ك» ساۋدا ورتالىعىنىڭ اجەتحاناسىندا وقۋشى قىز كوللەدج ستۋدەنتىن سوققىعا جىققان بولعان.
وبلىستىق پوليتسيا دەپارتامەنتى وسىعان قاتىستى ق ر قىلمىستىق كودەكسىنىڭ 293-بابى 2-بولىگى (بۇزاقىلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتقانىن ءمالىم ەتكەن. كوپ ۇزاماي جەلىدە كۇدىكتى قىزدىڭ اكەسى انتيكوردا، ال اناسىنىڭ قالالىق ءبىلىم بولىمىندە جۇمىس ىستەيتىنى تۋرالى اقپارات تارادى. ق ر سىبايلاس جەمقورلىققا قارسى ءىس-قيمىل اگەنتتىگى ش ق و بويىنشا دەپارتامەنتىنىڭ باسشىسى دەنيس شاكەنوۆ وقيعاعا قاتىسقان ادامداردىڭ انتيكور قىزمەتكەرلەرىمەن ەشقانداي تۋىستىق بايلانىسى جوقتىعىن حابارلادى.
جابىرلەنۋشى قىزدىڭ تۋعان اپايى توعجان دوسۋموۆا ءسىڭلىسن سوققىعا جىققاندار قوماقتى اقشا تالاپ ەتكەنىن ايتقان ەدى.
شىلدە ايىندا وسى ىسكە قاتىستى سوت ۇكىمى شىققان بولاتىن. اتالعان ءىس بويىنشا 14 قىز تەرگەۋگە الىنىپ، تەك ءۇش بويجەتكەن ايىپتالۋشى دەپ تانىلعان. سوت شەشىمىمەن 2 سوتتالۋشى 3 جىلعا باس بوستاندىعىنان ايىرىلسا، ءۇشىنشى قىز 1 جىلعا باس بوستاندىعىنان شەكتەلدى. سونداي جابىرلەنۋشىنىڭ پايداسىنا 9000000 تەڭگە سوماسىندا ءمورالدىق زيان وتەلۋى ءتيىس.
الايدا ايىپتالۋشى تاراپ بۇل شەشىممەن كەلىسپەي اپەللياتسيالىق سوتقا شاعىم تۇسىرگەن.
ش ق و سوتى باسپا ءسوز قىزمەتىنىڭ مالىمەتىنە سۇيەنسەك، سوت ۇكىمدى ەش وزگەرىسسىز قالدىردى. ەندى ولار كاسساتسيالىق شاعىم تۇسىرە الادى.
