ءماجىلىس دەپۋتاتى عالىمجان ەلەۋوۆتىڭ وكىلەتتىگى توقتاتىلدى

استانا. قازاقپارات - ق ر ورتالىق سايلاۋ كوميسسياسى ق ر پارلامەنتى ءماجىلىسىنىڭ دەپۋتاتى ع. ا. ەلەۋوۆتىڭ وكىلەتتىگىن توقتاتۋ تۋرالى قاۋلى شىعاردى، دەپ حابارلايدى قازاقپارات.

قازاقستان رەسپۋبليكاسى كونستيتۋتسياسىنىڭ 52-بابىنا، «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» 1995 -جىلعى 16-قازانداعى قازاقستان رەسپۋبليكاسى كونستيتۋتسيالىق زاڭىنىڭ 24-بابى 3 جانە 8-تارماقتارىنا سايكەس قازاقستان رەسپۋبليكاسىنىڭ ورتالىق سايلاۋ كوميسسياسى قاۋلى ەتەدى:

1. قازاقستان رەسپۋبليكاسى پارلامەنتى ءماجىلىسىنىڭ دەپۋتاتى عالىمجان الماسبەك ۇلى ەلەۋوۆتىڭ ءوتىنىش بەرۋىنە بايلانىستى ونىڭ وكىلەتتىگىن مەرزىمىنەن بۇرىن توقتاتۋعا اكەلەتىن نەگىز تۋىندادى دەپ بەلگىلەنسىن.

2. قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ع. ا. ەلەۋوۆتىڭ وكىلەتتىگىن مەرزىمىنەن بۇرىن توقتاتۋ تۋرالى ۇسىنىم قازاقستان رەسپۋبليكاسى پارلامەنتىنىڭ ماجىلىسىنە ەنگىزىلسىن.