اتىراۋدا حايپ قۋعان جىگىت جول قۇرىلىسى ماتەريالىن سىندىرعان - ۆيدەو

اتىراۋ. قازاقپارات - اتىراۋدا حايپ قۋعان جىگىت جول قۇرىلىسى ماتەريالىن سىندىرعان، دەپ حابارلايدى قازاقپارات ءتىلشىسى.

بۇل تۋرالى الەۋمەتتىك جەلىدە ۆيدەو تارادى. وندا جول جيەگىنە ورناتىلاتىن بورديۋردى سىندىرعان جىگىت «جۇمىستى بەرەدى دە، ادامنىڭ ەڭبەگىن جەيدى. كەرەگى وسى ما؟» دەيدى.

اتىراۋ قالالىق اكىمدىگى باسپا ءسوز قىزمەتىنىڭ مالىمەتىنشە، ونىڭ شاھار تۇرعىنى ەكەنى، الايدا، قۇرىلىس كومپانياسىندا جۇمىس ىستەمەيتىنى انىقتالعان.

ول بۇل ۆيدەونى ءتۇسىرۋ ارقىلى ءوز اككاۋنتىنا وقىرمان جيناماق بولعان. ەندى ول ورەسكەل ارەكەتى ءۇشىن اكىمشىلىك جاۋاپكەرشىلىككە تارتىلىپ، 20 ايلىق ەسەپتىك كورسەتكىش مولشەرىندە ايىپپۇل ارقالادى.

كەيىن ول اتىراۋلىقتاردان كەشىرىم سۇراعان ۆيدەو جۇكتەدى.

«بۇل ۆيدەونى حايپ ءۇشىن ءتۇسىرىپ، جازۋشىلاردى جيناعىم كەلدى. بەس-التى بورديۋردى بۇزعاندا، جارىقشاق بولدى. قۇرىلىس كومپانيالارىنان قاتەلىك جوق»، - دەيدى ول.

ەسكە سالا كەتەلىك، الماتىداعى دۇكەندە ايەلدىڭ ومىراۋىن ۇستاعان ەر ادام اتىراۋدا ۇستالعانىن جازعان بولاتىنبىز.

وقيعا الماتى قالاسىنداعى سۋپەرماركەتتەردىڭ بىرىندە بولعان.

«ايەل ادامنىڭ ومىراۋىنا قولىن سالعان ەر ادام اتىراۋ قالاسىنان انىقتالىپ، ۇستالدى. اتىراۋ قالاسىنىڭ 1988 -جىلعى تۇرعىنى ءوز كىناسىن تولىقتاي مويىندادى. ول الكوگولدىك ماس كۇيدە مۇنداي ورەسكەل ارەكەتكە بارعان. قۇقىق بۇزۋشىلىق ارەكەتى ءۇشىن ەر ادام ق ر اكىمشىلىك قۇقىق بۇزۋشىلىق تۋرالى كودەكسىنىڭ 434-بابىمەن (ۇساق بۇزاقىلىق) 5 تاۋلىك اكىمشىلىك قاماۋعا الىندى»، - دەپ حابارلادى دەپارتامەنتتىڭ باسپا ءسوز قىزمەتى.