بيىل باستاۋىش سىنىپ وقۋشىلارى تۇگەل تەگىن تاماقتانادى
وقۋ-اعارتۋ مينيسترلىگىنىڭ مالىمەتىنە سۇيەنسەك، 1- قىركۇيەكتەن باستاپ 7700 ءبىلىم بەرۋ ۇيىمىندا 3 ميلليون 900 مىڭ بالا ءبىلىم الادى، ولاردىڭ 382 مىڭى مەكتەپ تابالدىرىعىن العاش اتتايدى.
قازاقستان مەكتەپتەرىندە 340676 پەداگوگ جۇمىس ىستەيدى. ونىڭ ىشىندە ەڭبەك ءوتىلى 10 جىلعا تولماعان 147402 مۇعالىم، 20 جىلعا جۋىقتاعان 88393، 20 جىلدان اسقان 104881 پەداگوگ بار.
جىل سايىن الەۋمەتتىك وسال ساناتتاعى وتباسىلارعا كومەك كورسەتىلەدى. بيىل 460 مىڭ بالا ءۇشىن 65,8 ميلليارد تەڭگە قاراستىرىلعان. بۇل تۇرعىدا وڭىرلەر اراسىندا ماڭعىستاۋ وبلىسىنىڭ كورسەتكىشى (%62) ماردىمسىز كورىنەدى.
پرەزيدەنتتىڭ 1-4- سىنىپ وقۋشىلارىن تەگىن تاماقپەن قامتاماسىز ەتۋ تۋرالى تاپسىرماسى بيىلعى وقۋ جىلىندا تولىققاندى ورىندالماق. ءوڭىر اكىمدىكتەرى وعان قاجەتتى قارجىنى ءبولىپ قويعان. سونىڭ ناتيجەسىندە 1- قىركۇيەكتەن باستاپ 1 ميلليون 400 مىڭ باستاۋىش سىنىپ وقۋشىسى تەگىن تاماقتانادى.
