ەلىمىزدىڭ قاي وڭىرلەرىندە كولىك اپاتى ءجيى بولادى
ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتتەرىنە ساي، بيىل جول-كولىك اپاتتارىنىڭ سانى ازايعان. دەگەنمەن ودان كوز جۇمعاندار قاتارى ارتتى.
«بيىل 7 ايدا ەلىمىزدىڭ اۋماعىندا 6792 جول-كولىك وقيعاسى تىركەلدى. بۇل وتكەن جىلدىڭ سايكەس كەزەڭىمەن سالىستىرعاندا %13,6 عا از، ياعني بىلتىر وسى ۋاقىت ارالىعىندا 7862 وقيعا تىركەلدى. جول اپاتىنىن 9714 ادام زارداپ شەكتى. وتكەن جىلى وسى كەزەڭدە 11584 ادام زارداپ شەككەن بولاتىن. بيىل جاراقات العاندار – 8482، ال قازا بولعاندار - 1232 ادام. بىلتىرعى ۇقساس كەزەڭىمەن سالىستىرعاندا كوز جۇمعاندار سانى %3,2 عا ءوسىپ وتىر»، - دەلىنگەن قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى ۇسىنعان دەرەكتەردە.
7 ايدا كوز جۇمعان 1232 ادام - بۇل كەيىنگى 7 جىل ىشىندە تىركەلگەن ەڭ جوعارى كورسەتكىش. 2016-جىلى 7 ايدىڭ ىشىندە بولعان اپاتتار 1236 قازاقستاندىقتىڭ ءومىرىن قيعان ەدى.
بيىل 7 اي ىشىندە ەلىمىز بويىنشا بولعان جول-كولىك اپاتتارى:
1. استانا - 415 وقيعا؛
2. الماتى - 1648 وقيعا؛
3. شىمكەنت - 189 وقيعا؛
4. اباي وبلىسى - 233 وقيعا؛
5. اقمولا وبلىسى - 254 وقيعا؛
6. اقتوبە وبلىسى - 263 وقيعا؛
7. الماتى وبلىسى - 731 وقيعا؛
8. اتىراۋ وبلىسى - 174 وقيعا؛
9. شىعىس قازاقستان وبلىسى - 215 وقيعا؛
10. جامبىل وبلىسى - 547 وقيعا؛
11. جەتىسۋ وبلىسى - 250 وقيعا؛
12. باتىس قازاقستان وبلىسى - 209 وقيعا؛
13. قاراعاندى وبلىسى - 175 وقيعا؛
14. قوستاناي وبلىسى - 206 وقيعا؛
15. قىزىلوردا وبلىسى - 261 وقيعا؛
16. ماڭعىستاۋ وبلىسى - 250 وقيعا؛
17. پاۆلودار وبلىسى - 238 وقيعا؛
18. سولتۇستىك قازاقستان وبلىسى - 184 وقيعا؛
19. تۇركىستان وبلىسى - 313 وقيعا؛
20. ۇلىتاۋ وبلىسى - 37 وقيعا.
قۇقىقتىق ستاتيستيكا جانە ارنايى ەسەپكە الۋ كوميتەتىنىڭ اقپاراتىنا ساي، اپاتتان زارداپ شەككەندەر الماتى قالاسى، جامبىل، تۇركىستان، اقمولا جانە الماتى وبلىستارىندا كوپ تىركەلگەن. بۇعان قوسا، جول- كولىك وقيعاسىنان الماتى قالاسىندا (181 ادام)، تۇركىستان (146 ادام)، جامبىل (116 ادام)، جەتىسۋ (78 ادام) جانە اتىراۋ (69 ادام) وبلىستارىندا ادام ءولىمى ءجيى بولدى.
