كوروناۆيرۋستىڭ جاڭا ءتۇرى ءورشىپ بارادى
كوۆيدتتىڭ «eris» دەپ اتالاتىن ءتۇرى قازىر ا ق ش- تاعى نەگىزگى شتاممداردىڭ بىرىنە اينالدى. بۇل - وميكروننىڭ سۋبۆاريانتى، وتە جۇقپالى سانالادى. تامىزدا ا ق ش- تا تىركەلگەن ناۋقاستاردىڭ بەستىن بىرىنەن ينفەكتسيانىڭ وسى ءتۇرى انىقتالدى.
فرەدەريك دەۆيس، لونگ- ايلەند اۋرۋحاناسىنىڭ جەدەل جاردەم ءبولىمىنىڭ جەتەكشىسى:
- سوڭعى بىرنەشە اپتادا ىندەتتىڭ ورشىگەنىن بايقادىق. ءوزىن جايسىز سەزىنىپ كەلگەن ناۋقاستاردىڭ كوبىندە كوۆيد بار ەكەنى انىقتالدى. بۇعان دەيىن بىزگە كەلەتىندەردىڭ ورتا ەسەپپەن %2-4 ينفەكتسيا شىقسا، وتكەن اپتادا بۇل كورسەتكىش شامامەن %12 عا جەتتى. ۆيرۋس جۇقتىرىپ، اۋرۋحاناعا كەلۋشىلەر كوبەيىپ بارادى. سوڭعى ەكى اپتادا ورتاشا تاۋلىكتىك ستاتيستيكا 20 پايىزعا وسكەن. جالپى ەلدەگى ەپيد- احۋال كۇن سۋىعان سوڭ ءتىپتى ۋشىۋى مۇمكىن.
دەنيس ناش، نيۋ- يورك قالالىق ۋنيۆەرسيتەتى ەپيدەميولوگيا كافەدراسىنىڭ پروفەسسورى:
- ءبىز جاعدايدى باقىلاپ وتىرمىز. كۇزدە ىندەتتىڭ تارالۋى بەلەڭ الادى. سەبەبى، اۋا رايى سۋتادى. بالالار دا مەكتەپكە ورالا باستادى. سوندىقتان ەپيد- احۋال الاڭداتىپ وتىر. ا ق ش- تىڭ اۋرۋلاردى باقىلاۋ ورتالىعى قازان ايىندا عانا ىندەتتىڭ جاڭا تۇرىنە توتەپ بەرەتىن ەكپەنى شىعارۋعا رۇقسات بەرۋى مۇمكىن. ال دارىگەرلەر قازىرگى ۆاكسينالار وميكروننىڭ جاڭا سۋبۆاريانتىنا تولىق قارسى تۇرا المايدى دەپ الاڭدايدى.
www.24.kz
