تيكتوكتا قۇمار ويىنداردىڭ ونلاين ترانسلياتسياسى قىزىپ تۇر، قاتىسۋشىلاردىڭ كوبى - بالالار

استانا. قازاقپارات - قارجىلىق مونيتورينگ اگەنتتىگى زاڭسىز ويىن بيزنەسىنە قارسى ءىس-قيمىل بويىنشا كەشەندى جۇمىس جۇرگىزىپ جاتىر، دەپ حابارلايدى قازاقپارات.

2019 -جىلدان باستاپ زاڭسىز ويىن بيزنەسىن ۇيىمداستىرۋ فاكتىلەرى بويىنشا وندىرىستە 1148 ءىس بولدى، ونىڭ ىشىندە 849 ادامعا قاتىستى 940 ءىس اياقتالدى.

قابىلدانعان الدىن الۋ شارالارىنىڭ ناتيجەسىندە سوڭعى 5 جىلدا تىركەلگەن ىستەر سانىنىڭ 5,5 ەسەگە تومەندەۋى بايقالادى.

جىل سايىن انىقتالاتىن زاڭسىز ويىن تەرمينالدارىنىڭ سانى 16 ەسەگە – 1260 تان 76 عا دەيىن ازايدى.

بۇل رەتتە زاڭسىز ويىن تەرمينالدارى بويىنشا قىلمىستىق ىستەردىڭ سانى 2019 -جىلعى 208 دەن اعىمداعى جىلعى 28 گە دەيىن، ياعني 7 ەسەگە ازايدى.

سونىمەن قاتار، ءۇي-جايلاردى جالعا بەرۋشىلەردى جاۋاپكەرشىلىككە تارتۋ بويىنشا شارالار قابىلدانۋدا.

استىرتىن كازينو قىزمەتىن توقتاتۋعا باعىتتالعان جۇمىس شەڭبەرىندە انىقتالعان قۇقىق بۇزۋشىلىقتار سانىن 2019 -جىلعى 35 تەن ا. ج. 12 گە دەيىن ياعني، 3 ەسەگە ازايتۋعا مۇمكىندىك تۋدى.

سونىمەن قاتار، زاڭدى بۋكمەكەرلىك كەڭسەلەر اتىن جامىلعان، زاڭسىز ويىن سايتتارىنىڭ 4 فاكتىسى (2022 -جىلى – 2، بيىل - 2) انىقتالدى.

الاياقتار بەلگىلى بۋكمەكەرلىك كەڭسەلەردىڭ اتاۋلارىن (دومەندەرىن) قوسىمشا اببريەۆياتۋرالار قوسۋ ارقىلى وزگەرتكەن.

اتاپ ايتقاندا، بەلگىلى بۋكمەكەرلىك كەڭسەنىڭ اتىمەن زاڭسىز ويىن بيزنەسىن ۇيىمداستىرۋ فاكتىسى بويىنشا تەرگەۋ باستالدى.

بيىل «TikTok» جەلىسىندە قۇمار ويىنداردىڭ ونلاين ترانسلياتسياسى جانداندى. ايتا كەتەيىك، قاتىسۋشىلاردىڭ باسىم كوپشىلىگى كامەلەتكە تولماعاندار.

قابىلدانعان شارالاردىڭ ناتيجەسىندە ۇيىمداستىرۋشىلاردىڭ 177 اككاۋنتى انىقتالدى. ويىنشىلاردىڭ كۇندەلىكتى سانى مىڭداعان ادامدارمەن ولشەندى.

10 ۇيىمداستىرۋشىعا قاتىستى 5 قىلمىستىق ءىس قوزعالدى، ونىڭ 3 ى بويىنشا ۇكىمدەر شىقتى (قالعان ىستەردىڭ تەرگەۋى جالعاسۋدا) .

4 ادام باس بوستاندىعىنان ايىرۋدىڭ ناقتى مەرزىمدەرىنە (4 جىلدان) جانە 2 ادام باس بوستاندىعىن شەكتەۋگە (1,5 جىلدان) سوتتالدى.

اقپارات كوميتەتىمەن جانە جەلى يەسىمەن بىرلەسىپ، «TikTok» پلاتفورماسىنىڭ جاساندى ينتەللەكتىسىنىڭ جۇمىسى جولعا قويىلدى، بۇل زاڭسىز كونتەنت ءەفيرىن جەدەل بۇعاتتاۋعا مۇمكىندىك بەرەدى.

قۇمار ويىنداردى تاراتاتىن جاڭا اككاۋنتتار قىسقا مەرزىمدە اۆتوماتتى تۇردە بۇعاتتالادى.

الدىن الۋ شارالارى شەڭبەرىندە اگەنتتىك IT- قۇرالداردى پايدالانا وتىرىپ، ينتەرنەت- كەڭىستىكتە (جاڭالىقتار پورتالدارى، بلوگتار، سايتتار جانە الەۋمەتتىك جەلىلەردىڭ اككاۋنتتارى) قۇقىققا قايشى مازمۇندى اقپاراتتى ىزدەۋدى جۇزەگە اسىرىپ جاتىر.

2022 -جىلى 5,5 مىڭ ونلاين- كازينو سايتتارى مەن اككاۋنتتارى، بيىل - 2 مىڭنان اسا سايت بۇعاتتالدى.

اگەنتتىك اقپارات كوميتەتىمەن (ا ق د م) جانە ۇ ق ك م ت ق- مەن بىرلەسىپ ونلاين-كازينونىڭ «كوشىرمە» سايتتارىن (جاڭادان قۇرىلاتىن) جەدەل بۇعاتتاۋ تۋرالى شەشىم قابىلدادى، «كيبەرباقىلاۋ» جۇيەسىندەگى سايتتاردى بۇعاتتاۋ الگوريتمى 14 تاۋلىكتەن 1 كۇنگە دەيىن جەڭىلدەتىلدى.