09:05, 31 - تامىز 2023 | GMT +6
نازاربايەۆتىڭ ءوزى تۇزەتۋلەر ەنگىزگەن كونستيتۋتسيانىڭ سۋرەتتەرى پايدا بولدى
استانا. قازاقپارات - تۇڭعىش پرەزيدەنت نۇرسۇلتان نازاربايەۆتىڭ ءوزى تۇزەتۋلەر ەنگىزگەن كونستيتۋتسيانىڭ سۋرەتتەرى پايدا بولدى.
سۋرەت ەكس-پرەزيدەنتتىڭ باسپا ءسوز قىزمەتىنىڭ الەۋمەتتىك جەلدەگى پاراقشاسىندا جاريالاندى.
«قازاقستان رەسپۋبليكاسىنىڭ كونستيتۋتسياسى كۇنىمەن قۇتتىقتايمىز! وسى اتاۋلى كۇندە 1995 -جىلدىڭ ساۋىرىندە قازاقستاننىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ قاراۋىنا ۇسىنىلعان تاريحي قۇجات - كونستيتۋتسيا جوباسىنىڭ كوشىرمەلەرىمەن ءبولىسىپ وتىرمىز. بۇل بىرەگەي قۇجاتتاردان نۇرسۇلتان نازاربايەۆتىڭ جاس جانە تاۋەلسىز مەملەكەتتىڭ بولاشاق كونستيتۋتسياسىنىڭ ماتىنىنە ءبىرقاتار تۇزەتۋلەر مەن ەسكەرتۋلەر ەنگىزگەنىن كورۋگە بولادى»، - دەلىنگەن حابارلامادا.
ايتا كەتەيىك، قازاقستاندا 30-تامىز كونستيتۋتسيا كۇنى رەتىندە اتاپ وتىلەدى. بيىل اتا زاڭ قابىلدانعانىنا 28 جىل تولىپ وتىر.
