ەلورداعا كەلەتىن شەتەلدىكتەردەن قانشا تۋريستىك جارنا الىنادى

استانا. قازاقپارات - استانا اكىمدىگى ەلورداعا ساپارلاپ كەلەتىن شەتەلدىكتەردەن الىناتىن تۋريستىك جارنا مولشەرىن بەكىتۋدى ۇسىندى، دەپ حابارلايدى قازاقپارات ءتىلشىسى.

«2023 -جىلعى 31-جەلتوقسانعا دەيىن تۋريستەردى ورنالاستىرۋ ورىندارىندا شەتەلدىكتەر ءۇشىن تۋريستىك جارناعا 0,5 ايلىق ەسەپتىك كورسەتكىش (1725 تەڭگە) مولشەرىندە تىركەلگەن مولشەرلەمە قولدانىلادى. بۇل مولشەرلەمە استانا قالاسىنىڭ ءماسليحاتىنا بەكىتۋگە جىبەرىلسىن. استانا قالاسى اكىمدىگىنىڭ 2022 -جىلعى 30-قاراشاداعى № 502-3586-قاۋلىسىنىڭ كۇشى جويىلدى دەپ تانىلسىن»، - دەلىنگەن اشىق نقا پورتالىندا جاريالانعان قالالىق اكىمدىكتىڭ شەشىم- جوباسىندا.

قۇجات 13-قىركۇيەككە دەيىن كوپشىلىك تالقىلاۋدا بولادى.

قوسا كەتسەك، تاياۋدا الماتى مەن قاراعاندى قالاسىندا دا شەتەلدىكتەر ءۇشىن جاڭا تۋريستىك تولەم مولولشەرىن بەلگىلەۋدى ۇسىنعان بولاتىن.