اباي وبلىسىندا جاس ءوسپىرىم قىز ءنومىرسىز موتوسيكل ايداپ جۇرگەن
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جارما اۋدانىنىڭ ۋچاسكەلىك ينسپەكتورى پاترۋلدەۋ بارىسىندا مەملەكەتتىك تىركەۋ ءنومىرىنسىز موتوسيكلدى توقتاتتى.
«تەكسەرۋ كەزىندە موتوسيكلدىڭ رۋلىندەگى قىزدىڭ كامەلەت جاسىنا تولماعانى، كولىك قۇرالىن باسقارۋعا قۇقىعىنىڭ جوقتىعى انىقتالدى. سونىمەن قاتار ونىڭ باسىندا شلەمى دە بولماعان. جاس ءوسپىرىم قىز جاساعان قۇقىق بۇزۋشىلىقتارى ءۇشىن ونىڭ اتا- اناسى بىردەن بىرنەشە باپ بويىنشا جاۋاپقا تارتىلدى»، - دەلىنگەن اقپاراتتا.
اتاپ ايتقاندا، ق ر ا ق ب ت ك 590-بابىنىڭ 2-بولىگى (كولىك قۇرالدارىن پايدالانۋ قاعيدالارىن بۇزعانى ءۇشىن)، 612-بابىنىڭ 2-بولىگى (قۇجاتتارى جوق جانە باسقارۋ قۇقىعى جوق ادامنىڭ كولىك قۇرالىن باسقارعانى)، 593-بابىنىڭ 2-بولىگى (قاۋىپسىزدىك بەلدىكتەرىن نەمەسە موتوشلەمدەردى پايدالانۋ ەرەجەلەرىن ساقتاماعانى ءۇشىن).
سالىنعان ايىپپۇلدىڭ جالپى سوماسى - 35 ا ە ك (120750 تەڭگە).
