نايزاعاي، بۇرشاق: سينوپتيكتەر اۋا رايىنا بايلانىستى ەسكەرتۋ جاسادى

استانا. قازاقپارات - «قازگيدرومەت» ر م ك 31- تامىز – 2- قىركۇيەك ارالىعىنا ارنالعان اۋا رايى بولجامىن جاريالادى، دەپ حابارلايدى قازاقپارات.

سينوپتيكتەردىڭ بولجامى بويىنشا، الداعى ءۇش كۇندە رەسپۋبليكانىڭ باسىم بولىگىندە اۋا رايى قۇبىلمالى بولادى، نايزاعاي ويناپ، ەكپىندى جەل سوعادى، بۇرشاق جاۋۋى مۇمكىن.

ەلىمىزدىڭ سولتۇستىك-باتىسىندا، سولتۇستىگىندە، وڭتۇستىگىندە جانە وڭتۇستىك-شىعىسىندا قاتتى جاڭبىر جاۋادى، اۋا تەمپەراتۋراسى ودان ءارى تومەندەيدى. اسىرەسە، اۋا تەمپەراتۋراسىنىڭ تومەندەگەنى رەسپۋبليكانىڭ سولتۇستىگىندە بايقالادى. تەك قازاقستاننىڭ باتىسىندا جوعارى اتموسفەرالىق قىسىم ءورىسىنىڭ اسەرىنەن جاۋىن-شاشىنسىز اۋا رايى بولادى.

سونىمەن قاتار اۋا تەمپەراتۋراسى كۇندىز 25-30 گرادۋسقا دەيىن بىرتىندەپ كوتەرىلەدى.