پريگوجيننىڭ جەرلەۋ راسىمىنە تەك تۋىستارى مەن جاقىن دوستارى قاتىسقان
«پرەزيدەنت قاتىسپايدى»، - دەدى ول. پەسكوۆ كرەملدە جەرلەۋ تۋرالى ناقتى اقپارات جوق ەكەنىن ايتتى.
«بۇل بويىنشا شەشىمدى تۋىستارى مەن جاقىندارى قابىلدايدى. مۇندا ولارسىز ەشتەڭە ايتا المايمىز»، - دەدى كرەمل وكىلى.
ءبىر كۇن بۇرىن پەسكوۆ جۋرناليستەرگە كرەملدە پريگوجيندى جەرلەۋ ءراسىمى قالاي جانە قاي كۇنى وتەتىنى تۋرالى اقپارات جوق ەكەنىن ايتقان ەدى.
ءراسىمنىڭ ورنى، ۋاقىتى جانە ەگجەي-تەگجەيى تۋرالى اقپارات سوڭىنا دەيىن جاريالانبادى. جەرلەۋدى كۇتكەن پريگوجيننىڭ جاقتاستارى رەسەيدىڭ ءارتۇرلى قالاسىنداعى مەموريالدارعا گۇل شوقتارىن قويعان.
29- تامىز كۇنى كەشكە پريگوجيننىڭ باسپا ءسوز قىزمەتى Telegram-داعى كانالىندا «ۆاگنەر» جەكە اسكەري كومپانياسىنىڭ نەگىزىن قالاۋشى سانكت-- پەتەربۋرگتەگى پوروحوۆ زيراتىندا جەرلەنگەنىن حابارلادى.
«قوشتاسۋ جابىق فورماتتا ءوتتى. قوشتاسقىسى كەلەتىندەر پوروحوۆ زيراتىنا بارا الادى»، - دەلىنگەن حابارلامادا.
«كوممەرسانت» باسىلىمىنىڭ اقپارات كوزدەرىنىڭ حابارلاۋىنشا، تۋىستارىنىڭ ايتۋى بويىنشا قوشتاسۋ راسىمىنە تەك تۋىستارى مەن جاقىن دوستارى قاتىسقان.
