كوكشەتاۋدا ساربازداردىڭ جاپپاي اۋرۋحاناعا تۇسۋىنە بايلانىستى قىزمەتتىك تەكسەرىس باستالدى

كوكشەتاۋ. قازاقپارات - كوكشەتاۋداعى 5510 اسكەري بولىمشە ساربازدارىنىڭ جاپپاي اۋرۋحاناعا تۇسۋىنە بايلانىستى قىزمەتتىك تەكسەرىس باستالدى، دەپ حابارلايدى قازاقپارات ءتىلشىسى «ورتالىق» وڭىرلىك قولباسشىلىعىنىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، قازىرگى كەزدە اتالمىش اسكەري بولىمشەدە قالعان اسكەري قىزمەتشىلەردىڭ اراسىندا ەمدەۋ-الدىن الۋ ءىس-شارالارى جۇرگىزىلىپ جاتىر. قىزمەتكەرلەردىڭ ءال-اۋقاتىنا قاتىستى جاڭا شاعىمدار تۇسكەن جوق.

«وسى دەرەك بويىنشا قىزمەتتىك تەكسەرىس جۇرگىزىلۋدە»، - دەپ اتاپ ءوتتى ۆەدومستۆودان.

ايتا كەتسەك، بۇدان بۇرىن كوكشەتاۋداعى 5510 اسكەري بولىمشەنىڭ 40 تان استام اسكەري قىزمەتشىسى ج ر ۆ ي (جەدەل رەسپيراتورلى ۆيرۋستى ينفەكسيا) بەلگىلەرىمەن جۇقپالى اۋرۋلار ورتالىعىنا جاتقىزىلعانىن جازعان ەدىك. ولاردىڭ 5 ەۋىنەن مينينگوكتى ينفەكسياعا رەاكاتسيا وڭ بولىپ شىقسا، 4 ىنەن ەنتەروۆيرۋستى، قالعاندارىنان رەسپيراتورلى ينفەكسيا انىقتالدى.

كەيىن ق ر دەنساۋلىق ساقتاۋ ءمينيسترى اجار عينيات اۋرۋحاناعا جاتقىزىلعان ساربازداردىڭ جاعدايى تۋرالى ايتقان ەدى.