كۇندە باس جۋسا نە بولادى؟

None
استانا. قازاقپارات - كۇندە باس جۋۋ - بىرەۋلەر ءۇشىن قالىپتى جاعداي. الايدا كۇندە باس جۋۋدى قولدامايتىن ادامدار دا بار. كۇندە باس جۋسا، شاش پەن باس تەرىسىنە نە بولادى؟ ونىڭ ارتىقشىلىقتارى مەن مۇمكىن كەمشىلىكتەرى جايلى ايتامىز.

كۇندە باس جۋۋدىڭ ارتىقشىلىقتارى:

ارتىق ماي مەن لاستىقتان ارىلۋ

كۇندە باس جۋۋ شاشقا جانە باس تەرىسىنە جينالاتىن ارتىق مايدان، لاستىقتان، شاڭنان جانە شاشقا ارنالعان قۇرالداردىڭ قالدىعىنان ارىلۋعا كومەكتەسەدى.

قايىزعاقتىڭ الدىن الۋ

باستى جۇيەلى تۇردە جۋۋ قايىزعاقتىڭ جانە باس قىشۋىنىڭ الدىن الادى.

قاناينالىمدى ىنتالاندىرۋ

باس جۋعان كەزدە باس تەرىسىنە ماسساج جاساۋ باستاعى قاناينالىمدى ىنتالاندىرۋعا كومەكتەسەدى. ول شاشتىڭ ساۋ بولۋىنا جانە ونىڭ جاقسى وسۋىنە ىقپال ەتەدى.

جايلىلىق سەزىمى

تازا شاش ادامعا جايلىلىق سەزىمىن سىيلاپ، كوڭىل كۇيىنە جاعىمدى اسەر ەتەدى.

كۇندە باس جۋۋدىڭ مىناداي كەمشىلىكتەرى بولۋى مۇمكىن:

تابيعي مايدى كەتىرۋ

باستى ءجيى جۋعان كەزدە تابيعي تەرى مايىنىڭ كەتىپ قالۋى مۇمكىن. ول شاشتىڭ ىلعالدىلىعى ءۇشىن جانە باس تەرىسىن قورعاۋعا قاجەت. بۇل قۇرعاقتىققا، سىنعىشتىققا جنە شاش جالتىرىنىڭ جوعالۋىنا اكەلۋى مۇمكىن.

شاشتىڭ زاقىمدالۋ قاۋپى

سۋسابىندى ءجيى قولدانۋ جانە باستى ءجيى ۋقالاۋ شاشتى زاقىمداۋى مۇمكىن. اسىرەسە، شاشىڭىز جۇقا جانە ءالسىز بولسا، بۇل شاشتىڭ تۇسۋىنە اكەلۋى مۇمكىن.

اللەرگيا

كەي سۋسابىندار مەن بالزامداردىڭ قۇرامىنداعى ينگرەديەتتەر كەي ادامدارعا اللەرگيالىق رەاكتسيا بەرۋى مۇمكىن. مۇنداي ونىمدەردى ءجيى پايدالانۋ بۇل پروبلەمانىڭ تۋىنداۋ قاۋپىن ارتتىرۋى مۇمكىن.

شاشتى كۇندە جۋۋ نەمەسە جۋماۋ ءار ادامنىڭ ءوز ەرەكشەلىگىنە قاراي تاڭدالۋى ءتيىس. ەگەر شاشقا جانە باس تەرىسىنە قاتىستى پروبلەماڭىز بولسا، تريحولوگ مامانعا قارالىڭىز.

شاشتى بۇلدىرەتىن زيان ادەتتەر جايلى مىنا جەردەن وقىڭىز.

اقپارات دەرەككوزى: https://massaget.kz

سوڭعى جاڭالىقتار