استانادا ۇلەسكەرلەردىڭ قارجىسىن تارتۋعا قۇقىعى جوق قۇرىلىس سالۋشىلار ءتىزىمى بەلگىلى بولدى

استانا. قازاقپارات - قۇرىلىستىڭ باستاپقى ساتىسىنداعى ۇلەسكەرلەردىڭ اقشاسىن تارتۋعا ءتيىستى رۇقساتى جوق قۇرىلىس ۇيىمدارىنىڭ ءتىزىمى جاسالدى، دەپ حابارلايدى قازاقپارات ەلوردا اكىمدىگىنىڭ رەسمي سايتىنا سىلتەمە جاساپ.

قولدانىستاعى زاڭنامانى ەلەمەۋ ارقىلى جاسالعان بارلىق مامىلە (الدىن الا برونداۋ شارتى، رەزەرۆتەۋ شارتى، ينۆەستيتسيالاۋ شارتى، تالاپ ەتۋ قۇقىعىن باسقاعا بەرۋ شارتى جانە ت. ب. ) تومەندە كورسەتىلگەن كوپپاتەرلى تۇرعىن ءۇي كەشەندەرىندە جارامسىز بولىپ سانالادى.

ەستەرىڭىزگە سالا كەتەيىك، ۇلەسكەرلەردىڭ قاراجاتىن ءتيىستى رۇقساتسىز قابىلداۋعا «تۇرعىن ءۇي قۇرىلىسىنا ۇلەستىك قاتىسۋ تۋرالى» قازاقستان رەسپۋبليكاسىنىڭ زاڭناماسىمەن تىيىم سالىنادى، بۇل رەتتە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 320-بابى، سونداي- اق قازاقستان رەسپۋبليكاسى قىلمىستىق كودەكسىنىڭ 214-بابى بويىنشا كاسىپكەرلىك قىزمەتتىڭ تىيىم سالىنعان تۇرلەرىمەن اينالىسقانى ءۇشىن جاۋاپكەرشىلىك قاراستىرىلعان.

«سۇراقتار بويىنشا استانا قالاسى سارىارقا اۋدانى بەيبىتشىلىك كوشەسى، 9 مەكەنجايىندا ورنالاسقان استانا قالاسىنىڭ قالالىق ورتا ساپاسى جانە باقىلاۋ باسقارماسىنا حابارلاسۋىڭىزعا بولادى. بايلانىس تەلەفوندارى: 87172550428، 556703»، - دەلىنگەن حابارلامادا.

ۇلەسكەرلەردىڭ قاراجاتىن تارتۋعا قۇقىعى جوق قۇرىلىس سالۋشىلاردىڭ تىزىمىمەن مىنا جەردە تانىسۋعا بولادى.