18:28, 29 - تامىز 2023 | GMT +6
ايگىلى مايك تايسون الەمدەگى ەڭ ۇلى بوكسشىنىڭ ەسىمىن اتادى
استانا. قازاقپارات - UFC- ءدىڭ بۇرىنعى چەمپيونى فرەنسيس نگاننۋدى بوكسشى تايسون فيۋريگە قارسى جەكپە-جەككە دايىنداپ جاتقان كاسىپقوي بوكس اڭىزى مايك تايسون وسى ايقاسقا قاتىستى ويىن ايتتى، دەپ حابارلايدى «چەمپيونات».
بۇل كەزدەسۋ 28- قازان ساۋد ارابياسىندا وتەدى.
«كونور ماكگرەگور ءوز زامانىنداعى ەڭ ۇلى بوكسشى، فلويد مەيۆەزەرگە قارسى 10 نەمەسە 11 راۋند وتكىزدى. ولاي بولسا، نگانۋنۋ نەگە ءوزىن فيۋريگە قارسى جاقسى كورسەتە المايدى؟ فلويد مەيۆەزەر - تەحنيكا مەن ستيل تۇرعىسىنان الەمدەگى ەڭ ۇلى بوكسشى. ەگەر ماكگرەگور ءوزىن كورسەتە السا، فرەنسيستە مۇمكىندىك جوق دەۋگە بولماس»، - دەيدى تايسون ءوزىنىڭ پودكاستىندا.
