عۇن جاۋىنگەرى قالپىنا كەلتىرىلىپ جاتىر
قۇم كارەرىن قازۋ كەزىندە شىققان بۇيىمداردى تاريحشىلار شامامەن ءبىزدىڭ زامانىمىزدىڭ ІІ-ІV عاسىرىنا تيەسىلى دەپ توپشىلاپ وتىر. التىن جانە ءتۇرلى- ءتۇستى تاستارمەن كومكەرىلگەن ەر- تۇرمان مەن ۇزىن قىلىش بار. سوندىقتان قورىمدا عۇن ءداۋىرىنىڭ اقسۇيەك- باتىرى جەرلەنگەن دەگەن بولجام بار. مۇنداي ارحەولوگيالىق جادىگەرلەر باتىس قازاقستان اۋماعىنان باستاپ، سوناۋ شىعىس فرانسيا جەرىنە دەيىن كەزدەسەدى. تايپالاردىڭ ۇلى قونىس اۋدارۋى كەزەڭىنەن قالعان بۇيىمدار قايتا قالپىنا كەلتىرىلىپ، مۋزەي تورىنەن ورىن تابادى.
اسلان مامەدوۆ، وبلىستىق تاريحي- ولكەتانۋ مۋزەيىنىڭ اعا عىلىمي قىزمەتكەرى:
- كوپ بۇيىمداردىڭ قاي نارسەگە جاتاتىنى بەلگىسىز. مىسالى كەيبىرەۋلەرى ەر- توقىمعا جاتادى، ۇزەڭگىگە جاتادى، كەيبىرەۋلەرى قارۋ- جاراققا جاتادى. بۇيىرسا بۇل جۇمىستار اتقارىلعاننان كەيىن، وسى جىلدىڭ اياعىندا مىنا اقتوبە وبلىستىق ولكەتانۋ مۋزەيىنىڭ عۇن جاۋىنگەرىنىڭ تولىق رەكونسترۋكسياسى قويىلادى ەكسپوزيتسياعا.
www.24.kz
