16:11, 29 - تامىز 2023 | GMT +6
ەلىمىزگە رۋلى وڭ جاقتاعى كولىكتەردى اكەلۋگە تىيىم سالىنادى
استانا. قازاقپارات - قازاقستان اۋماعىنا رۋلى وڭ جاقتا ورنالاسقان جەڭىل كولىكتەردى اكەلۋگە شەكتەۋ قويىلادى، دەپ حابارلايدى قازاقپارات ءتىلشىسى.
«قازاقستان رەسپۋبليكاسىنىڭ اۋماعىنا وڭ جاقتا ورنالاسقان رۋلدىك باسقارىلاتىن جەڭىل اۆتوموبيلدەردى اكەلۋگە التى اي مەرزىمگە تىيىم سالۋ ەنگىزىلسىن»، - دەلىنگەن اشىق ن ق ا پورتالىندا جاريالانعان يندۋستريا جانە ينفراقۇرىلىمدىق دامۋ ءمينيسترىنىڭ بۇيرىق- جوباسىندا.
وسى شەكتەۋدىڭ ورىندالۋىن باقىلاۋ قارجى مينيسترلىگىنىڭ مەملەكەتتىك كىرىستەر كوميتەتى مەن ۇلتتىق قاۋىپسىزدىك كوميتەتىنىڭ شەكارا قىزمەتىنە جۇكتەلەدى.
قۇجات 13- قىركۇيەككە دەيىن كوپشىلىك تالقىلاۋدا بولادى.
ەسكە سالايىق، بىلتىر اكىمشىلىك پوليتسيا كوميتەتى ءتوراعاسىنىڭ مىندەتىن اتقارۋشى قايسار سۇلتانبايەۆ شەتەلدە تىركەلگەن وڭ جاق رۋلدى اۆتوكولىكتەردى قازاقستاندا ءبىرجولعى زاڭداستىرۋعا رۇقسات بەرىلەتىنىن ايتىپ ەدى.
قوسا كەتسەك، مامىر ايىنان كونسترۋكتور- كولىكتەردى زاڭداستىرۋ باستالعان ەدى.
