حالىقتىڭ جاعدايى ناشار دەپ ايتا المايمىن - تامارا دۇيسەنوۆا تاجىك جارمەڭكەسى تۋرالى

None
استانا. قازاقپارات – ق ر ەڭبەك جانگە حالىقتى الەۋمەتتىك قورعاۋ ءمينيسترى تامارا دۇيسەنوۆا استانادا وتكەن تاجىك تاۋارلارى جارمەڭكەسىندەگى دۇربەلەڭ تۋرالى ءوز ويىن ايتتى، دەپ حابارلايدى قازاقپارات ءتىلشىسى.

«پرەمەر- ءمينيستردىڭ الەۋمەتتىك ىستەر جونىندەگى ورىنباسارى رەتىندە تاجىك تاۋارلارىنىڭ جارمەڭكەسى تۋرالى، ءبىزدىڭ ازاماتتاردىڭ قىلىعى تۋرالى پىكىر ءبىلدىرىڭىزشى. بۇل نەنى كورسەتەدى؟ مادەنيەتىمىز تومەن بە الدە ناشار تۇرىپ جاتىرمىز با؟»، - دەپ سۇراق قويدى تىلشىلەر ۇكىمەت كۋلارىندا.

«شىنىمدى ايتسام، مەنىڭ دە كوڭىلىم قالدى. ءبىز، قازاقستاندىقتار ۇنەمى مادەنيەتىمىزبەن، توزىمىمىزبەن ەرەكشەلەنىپ جۇرگەن ەدىك. حالىقتىڭ جاعدايى تىم ناشار دەپ ايتا المايمىن. ونداعى ازاماتتارىمىزدىڭ ءبارى مۇنداي قىلىق كورسەتكەن جوق. دەگەنمەن مۇنداي وقيعا ورىن الدى، دەمەك ءوزىمىزدى تۇزەپ، تاربيەلەۋىمىز كەرەك»، - دەپ جاۋاپ بەردى تامارا دۇيسەنوۆا.

سونىمەن بىرگە، مينيستر مۇنداي وقيعالاردىڭ تەك قانا ءبىزدىڭ ەلدە بولمايتىنىن، باسقا ەلدەردە دە بايقالاتىنىن ايتتى.

«سوندىقتان دا ءبىز قازاقستاندىقتار رەتىندە ءوز ەلىمىزدىڭ يميدجى ءۇشىن جاۋاپتى ەكەنىمىزدى ۇمىتپاۋىمىز كەرەك»، - دەيدى ەڭبەك ءمينيسترى.

ايتا كەتەيىك، جەكسەنبى كۇنى EXPO الاڭىندا تاجىكستاننىڭ اۋىل شارۋاشىلىعى، ونەركاسىپ ونىمدەرى، ۇلتتىق قولونەر بۇيىمدارى جانە ۇلتتىق تاعامدارىنىڭ كورمە- جارمەڭكەسى ءوتتى.

كەيىن استانا اكىمدىگى دە الەۋمەتتىك جەلىگە تاراعان ۆيدەوعا تۇسىنىك بەرگەن ەدى.

سوڭعى جاڭالىقتار