قازاقستاندا كومىردىڭ جاڭا باعاسى ايتىلدى
بۇل تۋرالى يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ كوميتەتى ءتوراعاسىنىڭ ورىنباسارى تۇرار جولماعامبەتوۆ ايتتى، دەپ حابارلادى turkystan.kz.
«شۇباركول بولىنىسىندە - باعا شامامەن تونناسىنا 7570 تەڭگە، شۇباركول پرەميۋم - 9 مىڭ تەڭگە، قاراجىرا - 9 مىڭ تەڭگە، مايكوبەن كومىرى - 6700 تەڭگە. ايتا كەتەيىن، وتكەن ءۇش جىلدا باعا وزگەرمەگەن ەدى»، - دەدى جالماعامبەتوۆ و ك ق بريفينگىندە.
كوميتەت ءتوراعاسىنىڭ مالىمەتىنشە، باعانىڭ وسۋىنە ينفلياتسيالىق پروتسەستەر، ونىڭ ىشىندە كومىر وندىرۋشىلەر دە اسەر ەتەدى. ول باسقا ەلدەرمەن سالىستىرعاندا قازاقستانداعى الەۋمەتتىك كومىر الدەقايدا ارزان ەكەنىن اتاپ ءوتتى.
«قازاقستانداعى الەۋمەتتىك كومىردىڭ قۇنى ەڭ تومەن باعالاردىڭ ءبىرى بولىپ سانالادى. ەگەر بولىنىستە ول 7 دەن 9 مىڭ تەڭگەگە دەيىن تۇرسا، وندا پۋنكتتەردىڭ قاشىقتىعىنا بايلانىستى باعا 25 مىڭ تەڭگەگە دەيىن جەتۋى مۇمكىن. رەسەيدە كوممۋنالدىق-تۇرمىستىق كومىردىڭ قۇنى 35 مىڭ، قىرعىزستاندا - 45-50 مىڭ تەڭگە، وزبەكستاندا - 50-60 مىڭ تەڭگەگە دەيىن. شىنىندا دا، بىزدە باعانىڭ ءوسۋى بار، ءبىراق كورشى ەلدەرمەن سالىستىرعاندا ءبىز الەۋمەتتىك كومىر بويىنشا ەڭ قولجەتىمدى ەلدەردىڭ ءبىرىمىز»، - دەپ قوستى تۇرار جولماعامبەتوۆ.
