جەكەمەنشىك مەكتەپتەردىڭ وقۋشىلاردى حيدجابپەن وقىتۋىنا رۇقسات بار ما - مينيستر جاۋابى

استانا. قازاقپارات - ۇكىمەت كۋلۋارىندا وقۋ-اعارتۋ ءمينيسترى عاني بەيسەمبايەۆ الەۋمەتتىك جەلى قولدانۋشىسىنىڭ بالاسىن جەكە مەنشىك مەكتەپ حيدجابپەن قابىلداعانى تۋرالى جازباسىنا پىكىر ءبىلدىردى، دەپ حابارلايدى قازاقپارات ءتىلشىسى.

«بىزدە ءبارى زاڭ بويىنشا رەگلامەنتتەلەدى. سوندىقتان ول جەكەمەنشىك بولا ما، مەملەكەتتىك مەكتەپ بولا ما، ءبارى سول زاڭعا باعىنىپ، سونىڭ شەڭبەرىندە ورىندالۋى ءتيىس. ءسىز قالاي ويلايسىز، كوپشىلىك بولىپ قابىلداعان زاڭدى ورىنداۋعا مىندەتتىسىز بە؟»، - دەپ جاۋاپ بەردى مينيستر.

ب ا ق وكىلدەرى جەكەمەنشىك مەكتەپتەردىڭ وقۋشىنى حيدجابپەن قابىلداۋعا رۇقساتى بار-جوقتىعىن ناقتىلاپ سۇرادى.

«بارلىق مەكتەپتەر بەلگىلەنگەن زاڭ شەڭبەرىندە، بەلگىلەنگەن ءتارتىپ بويىنشا ۇيىمداستىرىلۋى كەرەك. جالپى بىزدە مونيتورينگ دەگەن بار. ءاربىر وڭىردە ءبىلىم ساپاسىن قامتاماسىز ەتەتىن دەپارتامەنتتەر بار. ولار بارلىق وڭىردەگى ساپانىڭ قامتاماسىز ەتىلۋىن قاداعالاپ وتىرادى. سول كىسىلەردەن بىزگە دابىل ءتۇسىپ جاتسا، ولار قاراپ، سول بويىنشا شەشىم قابىلدايدى»، - دەدى ۆەدومستۆو باسشىسى.