ورىنباسارى جەمقورلىقپەن سوتتالعان ب ق و اكىمى ەندى قىزمەتىنەن كەتە مە

استانا. قازاقپارات - ورىنباسارىڭىزدىڭ جەمقورلىقپەن سوتتالۋىنا بايلانىستى قىزمەتىڭىزدەن كەتەسىز بە؟

ۇكىمەت وتىرىسىنىڭ كۋلۋارىندا ب ا ق وكىلدەرى باتىس قازاقستان وبلىسىنىڭ اكىمى ناريمان تورەعاليەۆكە وسىنداي سۇراق قويدى، دەپ حابارلايدى قازاقپارات ءتىلشىسى.

بۇل سۇراققا اكىم ەكىۇداي جاۋاپ بەردى.

«ۇكىم ءالى كۇشىنە ەنگەن جوق. كۇشىنە ەنسىن»، - دەدى اكىم.

جۋرناليست سۇراعىن «ەگەر سوت ۇكىمى كۇشىنە ەنسە، وتستاۆكاعا كەتۋگە دايىنسىز با؟» دەپ ناقتىلادى.

«مەملەكەتتىك قىزمەت تۋرالى زاڭعا سايكەس ارى قاراي جۇمىس جۇرگىزىلەدى»، - دەپ جاۋاپ بەردى ناريمان تورەعاليەۆ.