كوشكىن سالدارىنان فرانسيا مەن يتاليا اراسىنداعى قاتىناس توقتادى
يسپانيانىڭ جەرورتا تەڭىزى جاعالاۋىندا داۋىل سالدارىمەن كۇرەس ءجۇرىپ جاتىر. بيلىك تۇرعىنداردى ساق بولۋعا شاقىرۋدا.
بالەار ارالدارىنداعى قاتتى داۋىلدىڭ سالدارىنان بىرنەشە ادام جاراقات الىپ، قايىقتار ءتۇيىسىپ جاتىر، رەيستەر توقتاتىلعان.
جەكسەنبىدەن باستاپ جەدەل قىزمەت 400 رەت شاقىرتۋعا شىققان. مالوركاداعى كالۆيا مۋنيتسيپاليتەتىندە جۇكتى ايەلدىڭ ۇستىنە جول بەلگىسى قۇلاپ، زارداپ شەكتى. يلەتاس جاعاجايىندا ەكى جاس ءوسپىرىمدى تەڭىز الىپ كەتىپ، ەكەۋى دە قۇتقارىلدى.
ەكپىنى 120 ك م/ساع جەتكەن قاتتى جەلدىڭ سالدارىنان پالما پورتىنا بايلانعان 330 مەترلىك Britannia كرۋيز كەمەسى مۇناي تانكەرىمەن سوقتىعىسقان. ەشكىم زارداپ شەكپەگەن.
نوسەر مەن بۇرشاقتان قۇرلىقتىق يسپانيا، اسىرەسە كاتالونيا مەن ۆالەنسيا زارداپ شەككەن.
فرانسيانىڭ ءالپى تاۋلارىندا مورەن القابىندا 700 تەكشە مەترلىك تاۋ جىنىسى سىرعىعان.
ب ا ق-تىڭ حابارلاۋىنشا، فرانسيا مەن يتاليا اراسىنداعى تەمىرجول قاتىناسى بەيسەنبىگە دەيىن توقتاعان.
كوشكىن سالدارىنان جەرگىلىكتى ماڭىزى بار جول مەن A43 تاسجولى جابىلدى.
«ءبىز مۇنداي جاعدايدىڭ بولۋى مۇمكىن ەكەنىن بىلدىك، سوڭعى بىرنەشە كۇندە جاۋعان جاۋىن- شاشىننىڭ سالدارىنان توپىراق سىرعۋى جەدەلدەدى»، - دەيدى مورەن القابىنداعى (ساۆويا دەپارتامەنتى) جول پايدالانۋ ديرەكتورى يۆان گانەر.
