تالىپتەر ايەلدەردىڭ ۇلتتىق ساياباققا بارۋىنا تىيىم سالدى

None
كابۋل. قازاقپارات - تاليبان ۇكىمەتى ايەلدەرگە باميان پروۆينتسياسىنداعى باند-ە-امير ۇلتتىق ساياباعىنا بارۋعا تىيىم سالدى، دەپ حابارلايدى قازاقپارات BBC News-كە سىلتەمە جاساپ.

اۋعانستاننىڭ ار- ۇيات ءمينيسترىنىڭ مىندەتىن اتقارۋشى موحامماد حالەد حانافي ايەلدەر ساياباقتا حيدجاپ تاقپاعانىن ايتىپ، ءدىن قىزمەتكەرلەرى مەن قاۋىپسىزدىك ورگاندارىنا بۇل ماسەلەنىڭ شەشىمى تابىلعانشا ولاردى ساياباققا كىرگىزۋگە شەكتەۋ قويۋعا شاقىردى.

باند-ە-امير ماڭىزدى تۋريستىك ورىن. ول - 2009 -جىلى قۇرىلعان اۋعانستانداعى العاشقى ۇلتتىق ساياباق. پارك تۇرعىندار اراسىندا وتباسىمەن ۋاقىت وتكىزەتىن تانىمال ورىن بولاتىن.

اۋعانستاننىڭ بۇرىنعى پارلامەنت دەپۋتاتى ماريام سۋلەيمانحيل شەكتەۋگە قاتىستى ولەڭ شىعارىپ، بۇرىن Twitter اتاۋىمەن تانىمال بولعان ح الەۋمەتتىك جەلىسىندە ء«بىز ورالامىز، وعان سەنەمىن» دەپ جازدى.

Human Rights Watch وكىلى فەرەشتا ابباسي ايەلدەرگە ايەل تەڭدىگى كۇنىندە ساياباققا بارۋعا تىيىم سالعانىن اتاپ ءوتىپ، «بۇل - اۋعانستان ايەلدەرىنە كورسەتىلگەن قۇرمەتسىزدىك» دەپ جازدى.

تاليباننىڭ ايەلدەرگە كەي قىزمەت تۇرلەرىمەن اينالىسۋعا ۋاقىتشا تىيىم سالۋدا تاجىريبەسى بار. 2022 -جىلدىڭ جەلتوقسانىندا ولارعا مەكتەپكە بارۋعا شەكتەۋ قويىلدى.

باند-ە-امير ۇلتتىق ساياباعىنا بارۋعا سالىنعان تىيىم تاليبان 2021 -جىلدىڭ تامىزىندا بيلىككە قايتا كەلگەننەن كەيىن ايەلدەرگە اينالىسۋعا بولمايتىن قىزمەت تۇرلەرىنىڭ ۇزىن تىزىمىندە سوڭعى بولىپ تۇر.

جاقىندا تالىپتەر اۋعانستانداعى شاشتارازدار مەن سۇلۋلىق سالوندارىن جابۋدى بۇيىردى، ال شىلدەنىڭ ورتاسىندا ايەلدەرگە ۇلتتىق ۋنيۆەرسيتەتتەرگە ءتۇسۋ ءۇشىن ەمتيحان تاپسىرۋعا تىيىم سالدى.

سوڭعى جاڭالىقتار