بوكستان ازيا ويىندارىندا قانشا وليمپيادا جولداماسى ساراپقا سالىنادى؟

استانا. قازاقپارات - بوكستان ازيا ويىندارىندا العاش رەت وليمپيادا ليتسەنزياسى تاراتىلادى. جارىستا فينالعا شىققان بوكسشىلار پاريج وليمپياداسىنا قاتىسۋ مۇمكىندىگىنە يە بولادى.

سارى قۇرلىقتىڭ باستى دوداسىندا كىل مىقتى بوكسشىلار باق سىنايتىن بولادى. سەبەبى وليمپيادا جولداماسى بارلىعى ءۇشىن ماڭىزدى. ونى ۋاقىتىنان بۇرىن جەڭىپ الۋ - دايىندىقتى ەرتە باستاۋدىڭ باستى العىشارتى.

حانجوۋداعى ازيا ويىندارى 23- قىركۇيەك پەن 8- قازان ارالىعىندا وتەدى. جارىستا بارلىعى 34 وليمپيادا ليتسەنزياسى (14 ءى ەرلەر، 20 سى ايەلدەر اراسىندا) ساراپقا سالىنادى.

سونداي-اق وليمپيادا جولداماسى بەرىلەتىن تاعى ءىرى ەكى تۋرنير وتەدى. ونىڭ ءبىرى كەلەر جىلدىڭ 29- اقپانى مەن 2- ناۋرىزى ارالىعىندا بۋستو-ارچيتسيودا وتسە، ەكىنشىسى 23- مامىر مەن 3- ماۋسىم اراسىندا بانگكوكتا بولادى. بىرىنشىسىندە – 49، ەكىنشىسىندە 51 ليتسەنزيا ءوز يەسىن تابادى.

ايتا كەتەيىك، بۇعان دەيىن بوكستان حانجوۋداعى ازيا ويىندارىنا قاتىساتىن قازاقستاندىق ەرلەر جانە ايەلدەر قۇراماسىنىڭ ءتىزىمى جاريالانعان بولاتىن.