قايرات نۇرتاستىڭ جۇرگىزۋشىسى جامبىل وبلىسىندا جول ەرەجەسىن ورەسكەل بۇزدى

تاراز. قازاقپارات - الەۋمەتتىك جەلىدە تانىمال قازاقستاندىق ءانشى قايرات نۇرتاستىڭ كولىگى جامبىل وبلىسىنىڭ تاسجولىندا جول ەرەجەسىن ورەسكەل بۇزعانى تۇسىرىلگەن ۆيدەو تارادى، دەپ حابارلايدى قازاقپارات ءتىلشىسى.

پوليتسيا دەپارتامەنتى وقيعاعا تۇسىنىك بەردى.

جۇرگىزۋشىلەر ءانشىنىڭ كولىگىن جامبىل وبلىسى قورداي اۋدانىنداعى رەسپۋبليكالىق كۇرەجولدان بايقاعان.

تۇسىرىلگەن ۆيدەودان باسىپ وزۋ كەزىندە اۆتوموبيل جول ەرەجەسىن ورەسكەل بۇزعانى كورىنىپ تۇر.

الەۋمەتتىك جەلى قولدانۋشىلارى ءانشىنىڭ بۇل ارەكەتىنە اشۋلاندى.

«بەينەجازبادا كورسەتىلگەن كولىكتى قايرات نۇرتاس جۇرگىزگەن جوق. كولىكتى باستىعىنا اسىققان ءانشىنىڭ جۇرگىزۋشىسى تىزگىندەپ بارا جاتقان»، - دەدى جامبىل وبلىسى پوليتسيا دەپارتامەنتى باسپا ءسوز قىزمەتىنىڭ باسشىسى گۇلسارا مۇحتارقۇلوۆا.

وقيعا 25 -تامىزدا قورداي اۋدانى الماتى- تاشكەنت اۆتوجولىنىڭ 215- شاقىرىمىندا بولعان.

«اتالعان قۇقىق بۇزۋشىلىقتى جاساعانى ءۇشىن «Mercedes-222» اۆتوكولىگىنىڭ 37 جاستاعى جۇرگىزۋشىسىنە ق ر ا ق ب ت ك 601-بابى (جول بەلگىلەرى تالاپتارىن ساقتاماۋ) بويىنشا اكىمشىلىك حاتتاما تولتىرىلىپ، 10350 تەڭگە كولەمىندە ايىپپۇل سالىندى»، - دەپ حابارلادى ۆەدومستۆودان.