پرەزيدەنت مەملەكەتتىك باعدارلامالاردىڭ جۇزەگە اسىرىلۋ تيىمدىلىگىنە اۋديت جۇرگىزۋدى تاپسىردى

استانا. قازاقپارات - مەملەكەت باسشىسى قاسىم-جومارت توقايەۆ جوعارى اۋديتورلىق پالاتا ءتوراعاسى ناتاليا گودۋنوۆانى قابىلدادى، دەپ حابارلايدى قازاقپارات.

پرەزيدەنت جوعارى اۋديتورلىق پالاتانىڭ بيىلعى 1-جارتىجىلدىقتا اتقارعان قىزمەتى جونىندە ەسەپتى تىڭدادى.

ەسەپتىك كەزەڭدە بارلىعى 9,3 تريلليون تەڭگە بيۋدجەت قارجىسى بويىنشا 121 نىساندا 12 اۋديتورلىق تەكسەرىس جۇرگىزىلگەن.

سونىمەن قاتار قاسىم-جومارت توقايەۆقا ەكولوگيا جانە تابيعي رەسۋرستار مينيسترلىگىنە، ەڭبەك جانە حالىقتى الەۋمەتتىك قورعاۋ مينيسترلىگىنە قاراستى ۇيىمدارعا، سونداي-اق «قازسۋشار» ر م ك-عا جانە تاعى دا باسقا مەكەمەلەرگە جۇرگىزىلگەن جەكەلەگەن اۋديتورلىق تەكسەرىستەردىڭ قورىتىندىسى جونىندە مالىمەت بەرىلدى.

كەزدەسۋ سوڭىندا پرەزيدەنت بيۋدجەت قارجىسىنىڭ جۇمسالۋىنا جانە مەملەكەتتىك باعدارلامالاردىڭ جۇزەگە اسىرىلۋ تيىمدىلىگىنە اۋديت جۇرگىزۋ جونىندە ءبىرقاتار ناقتى تاپسىرما بەردى.