قىتايمەن ساۋدانى جىلدامداتۋعا ارنالعان ونلاين پلاتفورما تانىستىرىلدى
«يلتۋن» دەپ اتالاتىن ساۋدا پلاتفورماسىنىڭ باستى ارتىقشىلىعى تاۋاردى تىكەلەي وندىرۋشىدەن ساتىپ الۋعا مۇمكىندىك بەرەدى. وسى ماقساتتا الماتىدا قىتاي وندىرۋشىلەرىنىڭ كورمەسى ءوتتى. وندا كيىم- كەشەك، مەديتسينا، قۇرىلىس، ەلەكترونيكا سىندى 8 سالا بويىنشا 30-دان اسا ءونىدىرۋشى ونىمدەرى قويىلدى.
پلاتفورمانىڭ ماقساتى - تاۋاردىڭ باعاسىن ارزانداتۋ، ساپاسىن ارتتىرۋ جانە الىپ-ساتارلار سانىن ازايتۋ. ايتا كەتەيىك، قىتاي تاۋرالارىنىڭ كورمەسى ءداستۇرلى تۇردە جىل سايىن ۇيىمداستىرىلىپ كەلەدى.
مەنگ سيۋ لي، كورمە ۇيىمداستىرۋشى:
- ءبىز قازاقستان مەن قىتاي اراسىنداعى وسى ساۋدا قارىم- قاتىناستى ودان دا جوعارى دەڭگەيدە كوتەرگىمىز كەلەدى. ساۋدا جارمەڭكەمىز ءۇرىمجى مەن الماتى قالاسىندا وتەدى. ودان كەيىنگى كورمە تۇركىستان قالاسىندا وتەدى. ءبىزدىڭ ماقساتىمىز - جىبەك جولى ارقىلى ساۋدانى دامىتۋ.
www.24.kz
