گرۋزياداعى ورتاعاسىرلىق موناستىر ماڭىندا جارتاس قۇلادى

تبيليسي. قازاقپارات - گرۋزياداعى شيومگۆيمە ورتاعاسىرلىق موناستىر ماڭىندا جارتاس قۇلادى، دەپ حابارلايدى قازاقپارات Rustavi 2 تەلەارناسىنا سىلتەمە جاساپ.

گرۋزيا پاتريارحياسى قوعاممەن بايلانىس قىزمەتىنىڭ مالىمەتىنشە، وقيعا سالدارىنان ەشكىم زارداپ شەككەن جوق. موناستىر دە امان قالدى.

«موناستىردى قورشاپ تۇرعان جارتاستان تاستار ءجيى قۇلاپ جاتادى. ءبىراق بيىل اۋقىمدى وقيعا بولدى. قازىرگى ۋاقىتتا ت ج ورنىندا ءتيىستى مەملەكەتتىك قۇرىلىمدار جۇمىس ىستەۋدە»، - دەلىنگەن حابارلامادا.

ايتا كەتسەك، 3-تامىزدا گرۋزيانىڭ راچينسكي اۋدانىندا، شوۆي كۋرورتىنا جاقىن جەردە كوشكىن سالدارىنان «سانسەت شوۆي» قوناقۇيىندەگى 16 ادام، ونىڭ ىشىندە التى بالا ودان شىعا الماي قالعان. كوشكىن قۇرباندارىنىڭ سانى 16 ادامعا جەتتى.

گرۋزيانىڭ شوۆي كۋرورتىندا بولعان قايعىلى جاعدايعا بايلانىستى 7-تامىز ەلدە قارالى كۇن بولىپ جاريالاندى،