پرەزيدەنت تەلەراديوكەشەنى جاڭا حالىقارالىق تەلەارنا اشادى
تەلەارنا قازاق جانە ورىس تىلدەرىندە تاۋلىك بويى حابار تاراتادى، ارنا سيگنالى وننان استام تاياۋ شەت ەلدەرگە قولجەتىمدى بولادى. جاڭا سپۋتنيكتىك ارنانىڭ كومانداسى تانىمدىق جانە ءبىلىم بەرۋ باعدارلامالارىن، دەرەكتى جانە مۋزىكالىق جوبالاردى، تەلەحيكايالاردى ەفيرگە شىعارماق.
سونىمەن بىرگە، Silk Way Cinema ەفيرىندە رەسپۋبليكالىق تەلەارنالار مەن «قازاقفيلم» كينوستۋدياسىنىڭ فيلمدىك كونتەنتى دە كورسەتىلەدى.
«Silk Way Cinema ءوزىن جاعىمدى كوڭىل-كۇي كوزى رەتىندە تانىتادى، جاڭا تەلەارنا اۋديتورياسىنا تەك قانا قازاقستاندىق كونتەنت ۇسىنىلادى. ق ر پرەزيدەنتى تەلەراديوكەشەنىنىڭ جاڭا مەديا- رەسۋرسى وتاندىق كرەاتيۆتى يندۋستريانىڭ ۇلگىسى بولۋدى، كورشى مەملەكەتتەر اراسىنداعى مادەني- گۋمانيتارلىق بايلانىستاردى نىعايتۋدى، سونداي-اق ءتۇرلى ەلدەردەگى قازاق دياسپوراسى وكىلدەرىنە ساپالى كونتەنت ۇسىنۋدى جوسپارلاپ وتىر»، - دەپ جازىلعان پرەزيدەنت تەلەراديوكەشەنىنىڭ حابارلاماسىندا.
ايتا كەتەيىك، ق ر پرەزيدەنتى تەلەراديوكەشەنى قازاقستاننىڭ ءىرى مەديا-كومپانياسى سانالادى. ونىڭ قۇرامىنا رەسپۋبليكالىق Jibek Joly تەلەارناسى، حالىقارالىق Silk Way تەلەارناسى، «قازاقپارات» ح ا ا جانە دەرەكتى كينو ورتالىعى كىرەدى.
«Jibek Joly» العاشقى ۇلتتىق سپۋتنيكتىك تەلەارناسى 2022 -جىلدىڭ 1-قىركۇيەگىندە ىسكە قوسىلدى.
تەلەارنا HotBird 13B، Galaxy 19, Yamal 401 90° (FSU) ، Türksat 3A، KazSat 3 (قازاقستان) جانە MEASAT 3A سپۋتنيكتەرى ارقىلى جاڭا «Silk Way» برەندىمەن الەمنىڭ 118 ەلىنىڭ كورەرمەندەرى ءۇشىن 5 تىلدىك نۇسقادا - قازاق، ورىس، اعىلشىن، وزبەك، قىرعىز تىلدەرىندە قولجەتىمدى. «Jibek Joly» ۇلتتىق تەلەارناسىنىڭ جانە ونىڭ «Silk Way» سپۋتنيكتىك نۇسقاسىنىڭ جيىنتىق اۋديتورياسى بۇكىل الەم بويىنشا 300 ميلليوننان استام كورەرمەندى قۇرايدى.
