10:26, 27 - تامىز 2023 | GMT +6
ابىلايحان ءجۇسىپوۆ ا ق ش-تا نيكاراگۋالىق قارسىلاسىن نوكاۋتقا جىبەردى
استانا. قازاقپارات - قازاقستاندىق بوكسشى ابىلايحان ءجۇسىپوۆ (3-06 2 ك و) تالستا (ا ق ش، وكلاحوما شتاتى) وتكەن بوكس كەشىندە ونەر كورسەتتى، دەپ حابارلايدى قازاقپارات Sports.kz سايتىنا سىلتەمە جاساپ.
ابىلايحان بۇل كەشتە نيكاراگۋالىق ۋيستون كامپوسقا (33-11-6، 19 ك و) قارسى شىقتى. جەكپە- جەك جارتىلاي ورتا سالماقتا ءوتىپ، 8 راۋندقا ەسەپتەلگەن بولاتىن. كەزدەسۋدىڭ 5-راۋندىندا قازاقستاندىق قارسىلاسىن تەحنيكالىق نوكاۋتپەن جەڭدى.
ابىلايحان ءجۇسىپوۆ وسىلايشا، ءوزىنىڭ كاسىبي مانسابىندا 4-رەت جەڭىسكە جەتتى، ال ۋينستون كامپوس كاسىبي رينگتە 12-رەت جەڭىلدى.
اۋەسقوي بوكستا ابىلايحان الەم چمپيوناتىنىڭ ءۇش مارتە (2017، 2019، 2021) كۇمىس جۇلدەگەرى اتانعان بولاتىن. سونداي-اق ول 2017 -جىلعى ازيا چەمپيوناتىنىڭ كۇمىس جۇلدەگەرى.
Посмотреть эту публикацию в Instagram
