قازاق- قىرعىز شەكاراسىندا جۇك كولىكتەرىنىڭ كەپتەلىسى ءالى دە بار - قىرعىز رەسپۋبليكاسى ۇ ق ك

بىشكەك. قازاقپارات - قازاقستان مەن قىرعىزستان شەكاراسىندا تۋىنداعان جۇك كولىگى كەپتەلىسىنىڭ ازايعانى بايقالادى، دەپ حابارلايدى قازاقپارات مەنشىكتى ءتىلشىسى.

ەۋرازيالىق ەكونوميكالىق كوميسسيا باسپا ءسوز قىزمەتىنىڭ مالىمەتىنشە، 24-تامىزدا ەەك ەنەرگەتيكا جانە ينفراقۇرىلىم ءمينيسترى ارزىبەك قوجوشيەۆتىڭ باسشىلىعىمەن ەەك مونيتورينگتىك توبى قىرعىزستان مەملەكەتتىك ورگاندارىنىڭ وكىلدەرىمەن بىرلەسىپ، قىرعىز حالىقارالىق تاسىمالداۋشىلارىنىڭ شەكاراداعى «اق- تىلەك» وتكىزۋ پۋنكتى ارقىلى قالاي وتەتىنىن كوردى. اتاپ وتىلگەندەي، كوميسسيانىڭ ساپارى كەزىندە قازاقستان تاراپىنان جۇك تاسيتىن اۆتوكولىك قۇرالدارىن وتكىزۋ ساعاتىنا 2-3 ماشينادان 8-9 ماشيناعا دەيىن ارتقان.

قىرعىزستان مۇقك شەكارا قىزمەتىنىڭ حابارلاۋىنشا، 26 تامىزداعى جاعداي بويىنشا ساعات 15:00-دە «اق- تىلەك- اۆتودوروجنىي» باقىلاۋ- وتكىزۋ پۋنكتىندە قىرعىزستاننان قازاقستانعا شىعاتىن 355 كولىك كەزەكتە تۇرعان، ال «چالدىبار- اۆتودوروجنىي» باقىلاۋ- وتكىزۋ پۋنكتىندە - 73 كولىك، «چون- كاپكا- اۆتودوروجنىي» باقىلاۋ- وتكىزۋ پۋنكتىندە 77 جۇك كولىگى جانە 47 جەڭىل كولىك بولدى.

جۇك كولىكتەرىن وتكىزۋدەگى جاعداي ازداپ جاقسارعان، ءبىراق سوعان قاراماستان جۇك كولىكتەرىنىڭ كەپتەلىسى ءالى دە بايقالادى.

ەسكە سالا كەتسەك، مەملەكەت باسشىسى ۇكىمەتكە قازاق- قىرعىز شەكاراسىنداعى جاعدايدى ەكى ەل اراسىندا قالىپتاسقان سەرىكتەستىك جانە باۋىرلاستىق قارىم- قاتىناس اياسىندا رەتتەۋدى تاپسىردى.